Cyfarfodydd
Cyllideb Comisiwn y Cynulliad 2015-16
Mae'r dudalen hon yn cynnwys manylion am unrhyw gyfarfodydd a gynhelir lle bydd y mater yn cael ei drafod, neu unrhyw gyfarfodydd a gynhaliwyd lle cafodd y mater ei drafod. Mae hefyd yn cynnwys lincs i'r papurau, agendâu a chofnodion perthnasol.
Noder: Gall yr agenda ar gyfer cyfarfod newid ar fyr rybudd. Cyn ichi wneud unrhyw gynlluniau i ddod i gyfarfod Pwyllgor, gofynnwn i chi sicrhau nad yw'r eitem sydd o ddiddordeb i chi wedi cael ei symud, yn enwedig mewn achosion lle mae'r dyddiad ar gyfer y cyfarfod wedi'i nodi mwy nag wythnos o flaen llaw.
Cyfarfod: 03/11/2014 - Comisiwn y Senedd (Eitem 2)
Adroddiad y Pwyllgor Cyllid a chymeradwyo’r gyllideb
paper 2
Cofnodion:
Ystyriodd y Comisiynwyr adroddiad y
Pwyllgor Cyllid ar gyllideb ddrafft y Comisiwn a chytunwyd ar ymatebion i’r
argymhellion a wnaed gan y Pwyllgor.
Rhoddodd y Comisiwn sylw i’r argymhellion a
wnaed i gyhoeddi dadansoddiad o’r cyllid a amcangyfrifir cyn yr etholiad, ac i
gyhoeddi Dangosyddion Perfformiad Corfforaethol drwy ychwanegu gwybodaeth at
ddogfen y gyllideb.
Roedd y Comisiynwyr yn derbyn y pwynt a
wnaed gan y Pwyllgor Cyllid, ynglŷn ag ystyried opsiynau ar gyfer
defnyddio’r cymhorthdal teithio ar gyfer teithio ar y trên yn
ogystal â theithio ar y bws, o ran ysgolion ac ymgysylltu â phobl ifanc.
Gofynnwyd i swyddogion barhau i sicrhau bod y cymhorthdal ar gael
ar draws pob ardal ddaearyddol o Gymru. Ychwanegwyd ymrwymiad ganddynt i gynnal
adolygiad llawn cyn diwedd y flwyddyn. Bydd yr adolygiad hwn yn cynnwys pob
ymgysylltu â phobl ifanc, nid ymgysylltu drwy ysgolion yn unig.
Croesawodd y Comisiynwyr argymhelliad y
Pwyllgor y dylid mynd ar drywydd cyfleoedd i brynu rhydd-ddaliad Tŷ Hywel, ac maent
wedi ychwanegu pwynt yn hyn o beth at ddogfen y gyllideb.
Cytunodd y Comisiwn i roi’r wybodaeth
ddiweddaraf i’r Pwyllgor am gynllunio ar gyfer y Pumed Cynulliad, yn arbennig y
gwaith cynllunio ar gyfer ymdrin â phwerau ariannol newydd, a gofynnodd i’r
Prif Weithredwr ysgrifennu at y Pwyllgor Cyllid unwaith y bydd y cynlluniau
wedi’u datblygu ymhellach.
Cymeradwyodd y Comisiynwyr y Gyllideb derfynol ar gyfer 2015-16, a
chytunwyd i’w gosod ar 12 Tachwedd 2014, gyda’r bwriad bod dadl yn cael ei
chynnal yn y Cyfarfod Llawn ar 19 Tachwedd 2014. Byddai hyn yn sicrhau bod modd
cynnwys ffigyrau cyllideb y Comisiwn yng nghynnig Cyllideb Flynyddol
Llywodraeth Cymru, a gynlluniwyd ar gyfer mis Rhagfyr, yn unol â’r amserlen.
Cyfarfod: 08/10/2014 - Y Pwyllgor Cyllid - Y Pedwerydd Cynulliad (Eitem 5)
Trafod yr adroddiad drafft ar gyllideb ddrafft Comisiwn y Cynulliad ar gyfer 2015-16
FIN(4)-17-14
Papur 3
Dogfennau ategol:
- Cyfyngedig 4 , Gweld rhesymau dros gyfyngu (5/1)
Cofnodion:
5.1
Peter Black AM absented himself for this item due to his role as a member of
the Assembly Commission.
5.2
The Committee considered and agreed the draft report.
Cyfarfod: 02/10/2014 - Y Pwyllgor Cyllid - Y Pedwerydd Cynulliad (Eitem 4)
4 Cyllideb ddrafft Comisiwn y Cynulliad ar gyfer 2015-16
FIN(4)-16-14
Papur 2
FIN(4)-16-14 Papur 3
Papur
briffio gan y Gwasanaeth Ymchwil
Y Fonesig
Rosemary Butler AC - Llywydd a Chadeirydd y Comisiwn
Claire
Clancy - Prif Weithredwr a Chlerc y Cynulliad
Nicola
Callow – Cyfarwyddwr Cyllid
Dogfennau ategol:
- FIN(4)-16-14 p2_w, Eitem 4 PDF 9 MB
- FIN(4)-16-14 p3_e (Saesneg yn unig), Eitem 4 PDF 54 KB
- RS142277 Assembly Commission draft budget 1516 _w , Gweld rhesymau dros gyfyngu (4/3)
Cofnodion:
4.1 Roedd
Peter Black AC yn absennol ar gyfer yr eitem hon ac eitem 8 gan ei fod yn aelod
o Gomisiwn y Cynulliad.
4.2 Bu’r
Aelodau yn craffu ar gyllideb ddrafft Comisiwn y Cynulliad ar gyfer 2015-16
gyda'r Fonesig Rosemary Butler AC, y Llywydd a Chadeirydd y Comisiwn, Claire
Clancy, Prif Weithredwr a Chlerc y Cynulliad a Nicola Callow, Pennaeth Cyllid.
4.3
Cytunodd y Llywydd i godi'r mater ynghylch tywyswyr yn casglu nodiadau Aelodau
o'r Siambr i helpu gyda Chofnod y Trafodion yn y cyfarfod nesaf. Hefyd,
ymrwymodd i ymchwilio i'r posibiliadau o ran opsiynau teithio amgen ar gyfer
ymweliadau addysgol gan ysgolion.
4.4
Cytunodd Claire Clancy i edrych ar y materion hawlfraint sy'n ymwneud â'r
adroddiad Ymddiriedolaeth Garbon a sicrhau ei fod ar gael i'r Aelodau os yn
bosibl ac i ddarparu gwybodaeth i'r Pwyllgor ynghylch pwy sy'n berchen Tŷ
Hywel.
Cyfarfod: 02/10/2014 - Y Pwyllgor Cyllid - Y Pedwerydd Cynulliad (Eitem 8)
Cyllideb Ddrafft Comisiwn y Cynulliad 2015-16: Trafod y dystiolaeth a gafwyd
Cofnodion:
8.1
Trafododd y Pwyllgor y dystiolaeth a nodi y bydd adroddiad drafft yn cael ei
baratoi i'w drafod yng nghyfarfod y Pwyllgor a drefnwyd ar gyfer 8 Hydref 2014.
Cyfarfod: 17/09/2014 - Comisiwn y Senedd (Eitem 2)
Cyllideb Ddrafft 2015-16
papur 2
Cofnodion:
Roedd dogfen y gyllideb
ddrafft, a ystyriwyd yn flaenorol yng nghyfarfod y Comisiwn ym mis Gorffennaf,
wedi cael ei diweddaru. Fel y
rhagwelwyd, mae rhagor o wybodaeth wedi’i chynnwys am y cynnydd yng nghost
Cynllun Pensiwn y Gwasanaeth Sifil ar gyfer staff y Comisiwn, yn ôl y disgwyl,
ac mae gwybodaeth am gyllid dangosol ar gyfer cyfnodau yn y dyfodol wedi’i
chynnwys hefyd. Cadarnhaodd Llywodraeth y DU ffigwr is na’r disgwyl ar gyfer
cyfraniadau’r cyflogwr i Gynllun Pensiwn y Gwasanaeth Sifil, sy’n dileu’r angen
am gynnwys eitem eithriadol.
Ystyriodd y Comisiynwyr fod y
gyllideb ddrafft yn unol ag anghenion y Comisiwn a disgwyliadau’r Pwyllgor
Cyllid yn llwyr. Teimlodd y Comisiynwyr y bydd y Gyllideb yn darparu llwyfan cadarn
ar gyfer y Pumed Cynulliad i weithio arno, ac mae’n adlewyrchu’r nodau a’r
targedau strategol y cytunwyd arnynt eisoes. Cytunodd y Comisiynwyr ar y
gyllideb ddrafft ar gyfer 2015-16, a rhoddwyd cymeradwyaeth i osod y ddogfen ar
25 Medi 2014.
Bydd y Pwyllgor Cyllid
yn craffu ar y gyllideb ddrafft ar 2 Hydref.
Cyfarfod: 15/09/2014 - Y Bwrdd Rheoli (Eitem 4)
Cyllideb 2015-16 - Papur 2
Dogfennau ategol:
- Cyfyngedig 17
Cofnodion:
Cyflwynodd
Nicola Callow y drafft diweddaraf o gyllideb Comisiwn y Cynulliad i'r Bwrdd,
gan dynnu sylw at ddatblygiadau newydd ers yr adolygiad diwethaf cyn toriad yr
haf. Roedd y datblygiadau hyn yn cynnwys safbwynt newydd ar y cynllun pensiwn
ac ar gyllid dangosol y tu hwnt i 2015-16, a chafwyd y wybodaeth ddiweddaraf am
y gronfa fuddsoddi ar gyfer 2015-16 a'r blynyddoedd wedyn.
Gofynnir
i'r Comisiynwyr gytuno ar y gyllideb yn eu cyfarfod ar 17 Medi a byddai'n cael
ei gosod gerbron y Cynulliad ar 25 Medi.
Disgwylir i'r Pwyllgor Cyllid graffu ar y gyllideb ar 2 Hydref.
Cytunodd y
Bwrdd Rheoli fod y fformat a'r dyluniad wedi gwella a chynigiwyd ychydig o fân
newidiadau a sylwadau am y cyflwyniad.
Roedd y Bwrdd am ganmol Nicola a'r staff cyllid drwy'r sefydliad am eu
gwaith ar y gyllideb.
Camau i’w
cymryd:
·
Nicola Callow i holi'r Tîm Cydraddoldeb ynghylch
hygyrchedd y ffurfdeip.
·
Penaethiaid
gwasanaeth i anfon unrhyw sylwadau ychwanegol at Nicola cyn diwedd y dydd.
Cyfarfod: 07/07/2014 - Comisiwn y Senedd (Eitem 2)
Cyllideb ddrafft 2015-16
papur 2
Cofnodion:
Yn
unol â thrafodaethau blaenorol, roedd y Comisiynwyr yn parhau i ystyried y
byddai cyllideb 2015-16 yn cael ei
rheoli'n unol â newidiadau i floc Cymru, ac eithrio'r eitemau hynny sydd y tu
allan i reolaeth y Comisiwn. Byddai gwaith yn cael ei gwblhau dros yr haf i
gynllunio ar gyfer effaith y cynnydd disgwyliedig yng nghostau pensiynau PCSPS
a byddai'r Comisiwn yn cael cyngor terfynol ynglŷn â'r gyllideb ddrafft derfynol ym mis
Medi. Nododd y Comisiynwyr nad oedd rhagor o wybodaeth ar gael gan Swyddfa'r
Cabinet.
Cyfarfod: 08/05/2014 - Comisiwn y Senedd (Eitem 2)
Strategaeth Cyllideb 2015-16
papur
2, rhannau a, b
Cofnodion:
Cyllideb 2015-16 fydd y
gyntaf yn dilyn cyfnod buddsoddi tair blynedd y Comisiwn. Mae’r Comisiynwyr
eisoes wedi ymrwymo i reoli’r gyllideb yn unol â’r newidiadau yng nghyllideb
bloc Cymru.
Cadarnhaodd y Comisiynwyr y
byddai’r eitemau a ganlyn yn cael eu trin fel eitemau eithriadol a oedd y tu
allan i reolaeth y Comisiwn:
-
cynnydd yng nghostau’r
cyflogwr yn dilyn y broses o brisio Prif Gynllun Pensiwn y Gwasanaeth Sifil,
fel y trafodwyd gan y Comisiwn ym mis Chwefror;
-
arian ychwanegol yng
ngoleuni penderfyniadau a wnaed gan y Bwrdd Taliadau; a
-
gwariant yn ymwneud ag
etholiadau.
Byddai’r Bwrdd Buddsoddi yn
adolygu’r eitemau eithriadol, gan gynnwys sicrhau bod gwariant yn ymwneud ag
etholiadau, a chostau, yn cael eu cynllunio a’u rheoli’n effeithiol. Byddai
rhagor o wybodaeth yn cael ei chynnwys am y wasgfa ar y gyllideb, am
flaenoriaethau strategol ac am arbedion effeithlonrwydd a gyflawnwyd, yn
benodol, drwy fuddsoddi sylweddol, fel yn achos y prosiect TGCh. Cytunwyd y
byddai gwybodaeth am ffrydiau incwm hefyd yn cael ei chynnwys yn nogfen y
gyllideb.
Diolchwyd i Angela Burns AC
a Nicola Callow am eu gwaith hyd yma ar strategaeth y gyllideb.
Byddai’r Comisiynwyr yn
trafod y gyllideb ddrafft eto ym mis Gorffennaf, cyn iddi gael ei gosod gerbron
y Cynulliad i’w thrafod ym mis Medi 2014.
Cyfarfod: 13/02/2014 - Comisiwn y Senedd (Eitem 2)
Strategaeth Cyllideb y Comisiwn 2015-16
papur 2
Cofnodion:
Roedd strategaeth cyllideb y Comisiwn yn ystod y Pedwerydd Cynulliad wedi
caniatáu i’r sefydliad fuddsoddi i sicrhau cymorth seneddol o’r radd flaenaf o
ran cyfleusterau, gwasanaethau, arbenigedd a’r rhyngwyneb cyhoeddus, gan
sicrhau gwerth am arian ac effeithlonrwydd hefyd. 2015-16 fydd blwyddyn olaf y
Pedwerydd Cynulliad a daw gwaith y
Comisiwn presennol yn y meysydd hyn i ben.
Cytunwyd y byddai’r dull o weithredu ar gyfer cyllideb 2015-16 yn dilyn
hwnnw a fabwysiadwyd ers dechrau’r Pedwerydd Cynulliad. Byddai’n canolbwyntio
ar gael gwared ar ddulliau aneffeithiol o weithio a sicrhau gwerth am arian er
mwyn medru parhau i arloesi a chyflawni’n hymrwymiad parhaus i safon y
gwasanaethau i’r Aelodau a’r cyhoedd. Dylid hefyd ystyried cynlluniau a
senarios mwy hirdymor i hwyluso’r broses o drosglwyddo’r awenau i’r Comisiwn
nesaf yn 2016.
Cymeradwyodd y Comisiynwyr Strategaeth Cyllideb
2015-16, gan gynnwys yr argymhellion yn adran 2. Byddai swyddogion yn
datblygu’r gyllideb ddrafft, yn unol â’r dulliau o weithredu y cytunwyd arnynt,
yn barod i’w trafod ym mis Mai.