Cyfarfodydd

NDM5345 Jocelyn Davies (Dwyrain De Cymru)

Mae Cynulliad Cenedlaethol Cymru:

Yn nodi adroddiad y Pwyllgor Cyllid ar ei ymchwiliad i Reoli Asedau yn y Sector Cyhoeddus, a osodwyd yn y Swyddfa Gyflwyno ar 23 Awst 2013.

Nodyn: Gosodwyd ymateb Llywodraeth Cymru i'r adroddiad yn y Swyddfa Gyflwyno ar 30 Hydref 2013.

Dogfennau ategol:

Adroddiad y Pwyllgor Cyllid

Ymateb Llywodraeth Cymru

Dechreuodd yr eitem am 14.53

NDM5345 Jocelyn Davies (Dwyrain De Cymru)

Mae Cynulliad Cenedlaethol Cymru:

Yn nodi adroddiad y Pwyllgor Cyllid ar ei ymchwiliad i Reoli Asedau yn y Sector Cyhoeddus, a osodwyd yn y Swyddfa Gyflwyno ar 23 Awst 2013.

Derbyniwyd y cynnig yn unol â Rheol Sefydlog 12.36.

FIN(4)-13-13 papur 4

7.1 Trafododd y Pwyllgor yr adroddiad drafft a chymeradwyodd yr adroddiad yn amodol ar fân newidiadau drafftio.

7.1 Arddangosodd Grŵp Arwain y Gwasanaethau Cyhoeddus ei system E-Pims i’r Pwyllgor.

5.1 Trafododd y Pwyllgor y dystiolaeth a gafwyd ar ei ymchwiliad i Reoli Asedau.

David Bentley, Pennaeth Rheoli Asedau, Sefydliad Siartredig Cyllid Cyhoeddus Cyfrifeg Eiddo

2.1 Croesawodd y Cadeirydd David Bentley, Pennaeth Rheoli Asedau, y Sefydliad Siartredig Cyllid Cyhoeddus a Chyfrifyddiaeth (CIPFA) – Eiddo.

2.2 Holodd yr Aelodau y tystion.

Camau i’w cymryd:

Cytunodd y Pwyllgor i ysgrifennu at David Bentley gyda’r cwestiynau canlynol, sy’n canolbwyntio’n benodol ar Reoli Asedau yng Nghymru:

·         Mae strategaeth gyfalaf Llywodraeth Cymru, y Cynllun Buddsoddi yn Seilwaith Cymru (WIIP), yn cyfeirio at reoli asedau ond dim ond o ran nodi'r angen i ddefnyddio'r sylfaen asedau yn well.  Yn eich barn chi sut y dylai rheoli asedau yn y llywodraeth ganolog, ac yn y sector cyhoeddus ehangach, gael ei gysylltu â'r Cynllun Buddsoddi yn Seilwaith Cymru yn ymarferol?

·         Yn eich papur, gan gyfeirio at gynlluniau rheoli asedau llywodraeth leol Cymru, yr ydych yn nodi bod y rhan fwyaf o'r rhain yn cyfeirio i ryw raddau at amcanion strategol neu bolisi, ond rhaid bod y cyfeiriadau hyn yn rhai gwirioneddol yn ymarferol.  Yn eich profiad chi, a yw’n wir nad yw cysylltiadau o'r fath yn rhai gwirioneddol yn ymarferol, ac os yw rheoli asedau'n cael ei weld fel gwasanaeth cefnogi mewn rhai meysydd, fel y mae peth o'n tystiolaeth yn ei awgrymu, sut y gellir sicrhau bod cysylltiadau strategol o'r fath yn fwy diriaethol?

·         Yn eich papur mewn perthynas â gwersi a ddysgwyd o Gymru [tudalennau 13-14]  yr ydych yn rhoi deg enghraifft o lle yr ydych wedi rhoi cymorth i awdurdodau lleol mewn perthynas â rheoli eiddo.  A oedd y cyfan o'r rhain yn awdurdodau lleol o Gymru a sut y mae'r trefniadau hyn yn codi, er enghraifft a yw'r awdurdod yn cysylltu â chi am gymorth gyda phrosiect?

5.1 Trafododd y Pwyllgor y dystiolaeth ar ei ymchwiliad i Reoli Asedau.

Lesley Griffiths AC, y Gweinidog Llywodraeth Leol a Busnes y Llywodraeth

Piers Bisson Dirprwy Gyfarwyddwr, Is-adran Diwygio'r Gwasanaethau Cyhoeddus.

Jane Hutt AC, y Gweinidog Cyllid

Sioned Evans, Dirprwy Gyfarwyddwr, Yr Is-adran Eiddo

2.1 Croesawodd y Cadeirydd Lesley Griffiths AC, y Gweinidog Llywodraeth Leol a Busnes y Llywodraeth; Jane Hutt AC, y Gweinidog Cyllid; Sioned Evans, Dirprwy Gyfarwyddwr, yr Is-adran Eiddo; a Deborah Paramore, Rheolwr Rhaglenni, Tîm Diwygio GwasanaethAU Cyhoeddus.

2.2 Craffodd y Pwyllgor ar waith y Gweinidogion.

Camau i’w cymryd:

Cytunodd Llywodraeth Cymru i ddarparu’r canlynol:

·         Y wybodaeth ddiweddaraf am arbedion a gafwyd o’r Strategaeth Lleoliad a gwaith rheoli’r ystâd weinyddol;

·         Rhagor o wybodaeth am yr hyn y mae Llywodraeth Cymru yn ei wneud i wella dibynadwyedd a chysondeb yn y gwaith o gyflwyno gwybodaeth er mwyn galluogi meincnodi a rheoli perfformiad;

·         Enghreifftiau o ble y defnyddiwyd ceisiadau llwyddiannus Buddsoddi i Arbed er mwyn mynd i’r afael â materion Rheoli Asedau;

·         Arbedion a wnaed gan ddefnyddio dull y Gweithgor Asedau Cenedlaethol, yn gymesur ag arbedion a wnaed gan fodel y Scottish Futures Trust.

Lesley Griffiths, y Gweinidog Iechyd a Gwasanaethau Cymdeithasol
Mark Osland, Diprwy Gyfarwyddwr Cyllid, yr Adran Iechyd a Gwasanaethau Cymdeithasol
Val Whiting, Pennaeth Cyfalaf, Ystadau a Chyfleusterau, yr Adran Iechyd a Gwasanaethau Cymdeithasol
 

5.1 Croesawodd y Cadeirydd Lesley Griffiths AC, y Gweinidog Iechyd a Gwasanaethau Cymdeithasol; Mark Osland, Dirprwy Gyfarwyddwr Cyllid, yr Adran Iechyd Gwasanaethau Cymdeithasol a Phlant;  a Val Whiting, Pennaeth Cyfalaf, Ystadau a Chyfleusterau, Iechyd, Gwasanaethau Cymdeithasol a Phlant i’r cyfarfod.

5.2 Bu’r Pwyllgor yn craffu ar waith y Gweinidog.

Camau gweithredu:

Cytunodd y Gweinidog Iechyd a Gwasanaethau Cymdeithasol i ddarparu:

• Rhagor o wybodaeth ynghylch trosglwyddo’r £35m o gyfalaf i refeniw a natur y prosiectau dan sylw a oedd yn hwyluso trosglwyddo'r arian hwn.
• Rhagor o wybodaeth am y prosiectau sydd wrthi’n cael eu datblygu ar hyn o bryd gan Lywodraeth Cymru i wella trefniadau cydweithredu ar gyfer cyflenwi gwasanaethau.
• Copi o ganllawiau Cod Ystadau..
• Nodyn ar y gwahaniaethau o ran y driniaeth gyfreithiol / ariannol o drosglwyddo tir yn y GIG yn wahanol i sectorau eraill.

Edwina Hart AC, y Gweinidog Busnes, Menter, Technoleg a Gwyddoniaeth
James Price,  Cyfarwyddwr Cyffredinol yr Adran Busnes, Menter, Technoleg a Gwyddoniaeth
Chris Sutton, aelod o fwrdd Ardal Fenter Canol Caerdydd ac aelod o'r Grŵp Gorchwyl a Gorffen Adolygu Ardrethi Busnes

6.1 Croesawodd y Cadeirydd Edwina Hart AC, y Gweinidog Busnes, Menter, Technoleg a Gwyddoniaeth; James Price, Cyfarwyddwr Cyffredinol yr Adran Fusnes, Menter, Technoleg a Gwyddoniaeth; Chris Sutton, Aelod o Fwrdd Parth Menter Canol Caerdydd ac Aelod o Grŵp Gorchwyl a Gorffen Ardrethi Busnes; a Tim Howard, Pennaeth Eiddo, Busnes, Menter, Technoleg a Gwyddoniaeth i’r Cyfarfod.

6.2 Bu’r Pwyllgor yn craffu ar waith y Gweinidog.

FIN(4) 03-13 – Papur 1 – Cydwasanaethau GIG Cymru

Neil Davies, Cyfarwyddwr Cynorthwyol, Gwasanaeth Cyfleusterau, Cydwasanaethau GIG Cymru

3.1 Croesawodd y Cadeirydd Neil Davies, Cyfarwyddwr Cynorthwyol, Gwasanaethau Cyfleusterau, Cydwasanaethau GIG Cymru, i’r cyfarfod.

3.2 Bu’r Aelodau’n holi’r tyst.

Camau i’w cymryd:

Cytunodd Cydwasanaethau GIG Cymru i ddarparu:

·         Astudiaethau achos sy’n dangos sut y mae GIG Cymru wedi cydweithio â chyrff cyhoeddus eraill ym maes rheoli asedau er mwyn gwella’r broses o ddarparu gwasanaethau.

·         Rhestr o enghreifftiau sy’n dangos lle mae cyrff sydd ynghlwm â GIG Cymru wedi defnyddio’r Protocol Trosglwyddo Tir yn effeithiol.

Christopher Chapman, Rheolwr Rhaglen – Effeithlonrwydd a Chaffael, Cymdeithas Llywodraeth Leol Cymru

Jonathan Fearn, Cadeirydd Grŵp ar y Cyd CLAW/ACES ar Eiddo ac Ystadau

2.1 Croesawodd y Cadeirydd Christopher Chapman, Rheolwr Rhaglenni – Effeithlonrwydd a Chaffael, Cymdeithas Llywodraeth Leol Cymru; a Jonathan Fearn, Cadeirydd Grŵp Eiddo ac Ystadau CLAW/ACES, i’r cyfarfod.

2.2 Bu’r Aelodau’n holi’r tystion.

2.3 Cytunodd y Pwyllgor i ysgrifennu at Gymdeithas Llywodraeth Leol Cymru gan ofyn cwestiynau nas gofynnwyd yn ystod trafodion y Pwyllgor.

FIN(4) 03-13 – Papur 2 – Cyngor Gweithredu Gwirfoddol Cymru

Phil Fiander, Cyfarwyddwr Menter ac Adfywio, Cyngor Gweithredu Gwirfoddol Cymru

Mathew Brown, Cymunedau Rheolwr Buddsoddi y Gronfa

Peter Williams, Cyfarwyddwr, Cymdeithas Ymddiriedolaethau Datblygu Cymru

4.1 Croesawodd y Cadeirydd Phil Fiander, Cyfarwyddwr Menter ac Adfywio, Cyngor Gweithredu Gwirfoddol Cymru; Mathew Brown, Rheolwr y Gronfa Fuddsoddi Gymunedol; a Peter Williams, Cyfarwyddwr Cymdeithas Ymddiriedolaethau Datblygu Cymru.

4.2 Bu’r Pwyllgor yn holi’r tystion.

Cam i’w gymryd:

Cytunodd Cyngor Gweithredu Gwirfoddol Cymru i ddarparu:

·         Nodyn yn amlinellu enghreifftiau o sefydliadu yn y sector gwirfoddol sy’n rheoli asedau fel adnoddau, a hynny er mwyn gwella’r broses o ddarparu gwasanaethau, ac sy’n gwneud hyn fel rhan o’u strategaeth gyffredinol.

10.1 Bu’r Pwyllgor yn trafod y dystiolaeth a gafwyd ar reoli asedau, a thystion posibl ar gyfer y cyfarfodydd sydd i ddod.

10.2 Cytunodd y Pwyllgor i baratoi arolwg ar gyfer prif weithredwyr cyrff cyhoeddus er mwyn cael rhagor o dystiolaeth ar gyfer yr ymchwiliad.

FIN(4) 02-13 – Papur 2 – Grŵp Arwain y Gwasanaeth Cyhoeddus

Dr Helen Paterson, Cadeirydd Rheoli Asedau, Grŵp Arwain y Gwasanaeth Cyhoeddus a Phrif Weithredwr Cyngor Bwrdeistref Sirol Wrecsam

Sioned Evans, Grŵp Arwain y Gwasanaeth Cyhoeddus

5.1 Croesawodd y Cadeirydd Dr Helen Paterson, Cadeirydd Rheoli Asedau, Grŵp Arwain y Gwasanaeth Cyhoeddus a Phrif Weithredwr Cyngor Bwrdeistref Sirol Wrecsam; a Sioned Evans, Cymorth i’r Rhaglen Waith ynghylch Caffael a Rheoli Asedau, Grŵp Arwain y Gwasanaeth Cyhoeddus, a Dirprwy Gyfarwyddwr yr Is-adran Eiddo, Llywodraeth Cymru.

5.2 Holodd y Pwyllgor y tystion.

Camau i’w cymryd:

Cytunodd Grŵp Arwain y Gwasanaeth Cyhoeddus i ddarparu:

·         Rhagor o wybodaeth ynglŷn â nifer yr adeiladau cyhoeddus y gellid eu defnyddio fel llety;

·         Sesiwn i ddangos i’r Aelodau sut mae e-PIMS, sef cronfa ddata eiddo y sector cyhoeddus, yn gweithio; 

·         Rhagor o wybodaeth ynghylch y naw prosiect peilot sy’n ymwneud â rheoli asedau a sut y cawsant eu dewis;

·         Nodyn ynglŷn â sut mae Grŵp Arwain y Gwasanaeth Cyhoeddus yn mynd i’r afael â’r argymhelliad a wnaed gan y Pwyllgor Cyfrifon Cyhoeddus yn ei adroddiad ‘Darlun o Wasanaethau Cyhoeddus’ i nodi a hyrwyddo enghreifftiau o arfer da gan y gwasanaethau brys i ddarparu gwasanaethau o fewn y gyllideb, i wneud defnydd da o gydweithio a darparu newid trawsffurfiol.

·         Copi electronig o ddogfen Llywodraeth Cymru ynghylch Cyflwr yr Ystad.

·         Rhagor o wybodaeth sy’n rhagamcanu nifer yr adeiladau sy’n rhan o ystad weinyddol Llywodraeth Cymru.

7.1 Trafododd y Pwyllgor y dystiolaeth a gafwyd ar gyfer ei ymchwiliad i’r broses o Reoli Asedau.

8.1 Trafododd yr Aelodau gwmpas ei ymchwiliad i Reoli Asedau.