Cofnodion

Rhoddodd y Gweinidog Llywodraeth Leol a Busnes y Llywodraeth y wybodaeth ddiweddaraf am y Bil Mynediad, fel y cytunwyd ac y nodwyd yng nghofnodion yr wythnos diwethaf.

Nododd y Pwyllgor y cofnodion ar gyfer eu cyhoeddi.

Rhoddodd y Gweinidog Llywodraeth Leol a Busnes y Llywodraeth y wybodaeth ddiweddaraf i’r Pwyllgor am newidiadau i fusnes y Llywodraeth.

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer ddydd Mercher.

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn y busnes a chytunodd i amserlennu’r eitemau canlynol o fusnes:

Dydd Mercher 11 Mehefin 2014

• Dadl ar Araith y Frenhines (120 munud)

• Dadl ar Adroddiad y Pwyllgor Cyllid ynghylch Ariannu Addysg Uwch (60 munud)

• Dadl Fer - Julie Morgan (Gogledd Caerdydd) (30 munud)

Cadarnhaodd y Rheolwyr Busnes eu penderfyniad, mewn egwyddor, ar 29 Ebrill, i gyfeirio Bil Addysg Uwch (Cymru) i’r Pwyllgor Plant, Pobl Ifanc ac Addysg ar gyfer ei ystyried yng Nghyfnod 1, a chytunwyd mai’r dyddiad terfyn i’r Pwyllgor adrodd ar y Bil yng Nghyfnod 1 fyddai 3 Hydref 2014, a’r dyddiad terfyn ar gyfer cwblhau trafodion y Pwyllgor yng Nghyfnod 2 fyddai 28 Tachwedd 2014.

Ysgogwyd cais y Pwyllgor Busnes am y papur hwn gan ddigwyddiadau yn dilyn y cyfnod o ystyried y gyllideb yn yr hydref. Bwriad y papur hwn oedd cefnogi ystyriaeth y Rheolwyr Busnes ynghylch a ddylid adolygu proses bresennol y gyllideb.

Dangosodd y Rheolwyr Busnes eu cefnogaeth gyffredinol i’r cynigion yn y papur, a chytunwyd i ystyried y mater eto mewn cyfarfod yn y dyfodol, pan y byddent yn ystyried yn fanylach y cynnig i ymestyn y cyfnod sydd ar gael ar gyfer craffu ar y gyllideb gan y pwyllgorau.

Ym mis Ionawr 2013, ystyriodd y Pwyllgor Busnes nifer o opsiynau ar gyfer diwygio Cwestiynau Llafar y Cynulliad, o ran cyflwyno mwy o amseroldeb ac amrywiaeth i waith craffu meincwyr cefn ar waith Gweinidogion. Bwriad y papur hwn oedd rhoi cyfle i’r Rheolwyr Busnes ystyried llwyddiant neu fethiant y diwygiadau hyn, a ph’un ai a oes unrhyw ddiwygiadau eraill a allai fod yn ddymunol.

Gofynnodd y Rheolwyr Busnes am bapur pellach sy’n nodi cynigion manwl, i’w gyflwyno i’w grwpiau ar gyfer ymgynghori yn ei gylch.