Cofnodion

Roedd y Llywydd wedi ymddiheuro gan ei bod ar ymweld dinesig â Georgia yn rhinwedd ei swydd.

Nododd y Pwyllgor y cofnodion ar gyfer eu cyhoeddi.

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Ddydd Mercher, cytunodd y Pwyllgor Busnes, y byddai'r bleidlais ar ddadl Araith y Frenhines yn cael ei chynnal ar ddiwedd yr eitem ac y byddai'r holl bleidleisiau eraill yn cael eu cynnl cyn y Ddadl Fer.

Nododd y Rheolwyr Busnes bapur ar y trefniadau ar gyfer presenoldeb yr Ysgrifennydd Gwladol yn y Cyfarfod Llawn ddydd Mercher, fel rhan o'r ddadl ar raglen ddeddfwriaethol Llywodraeth y DU (Araith y Frenhines).

Roedd Elin Jones yn pryderu am enwi Aelodau ac ymgeiswyr yn nhestun cynnig neu welliant. Cytunodd y swyddogion i godi'r mater gyda'r Llywydd wedi iddi ddychwelyd.

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn y busnes a chytunodd i amserlennu’r eitemau canlynol o fusnes:

Dydd Mercher 2 Gorffennaf 2014

·         Dadl ar Adroddiad y Pwyllgor Cyllid ynghylch Ariannu Addysg Uwch (60 munud)

·         Amser a neilltuwyd i'r Ceidwadwyr Cymreig (60 munud)

·         Amser a neilltuwyd i Blaid Cymru (60 munud)

·         Dadl Fer - Peter Black (Gorllewin De Cymru) (30 munud)

Cytunodd y Pwyllgor Busnes o ran egwyddor i gyfeirio'r Bil Cam-drin Domestig, Trais ar sail Rhywedd a Thrais Rhywiol (Cymru)  at y Pwyllgor Cymunedau, Cydraddoldeb a Llywodraeth Leol ar gyfer ystyriaeth Cyfnod 1.

Cytunodd y Rheolwyr Busnes y byddent yn gohirio'r penderfyniad ar amserlen y Bil am bythefnos, i roi amser i ymgynghori â'r Pwyllgor Cymunedau, Cydraddoldeb a Llywodraeth Leol.

Nododd y Rheolwyr Busnes lythyr gan y Pwyllgor Amgylchedd a Chynaliadwyedd yn dweud eu bod yn teimlo bod cynnwys y Memorandwm Cydsyniad Deddfwriaethol ar y Bil Cyfiawnder Troseddol a'r Llysoedd yn fwy perthnasol i Faterion Cyfansoddiadol a Deddfwriaethol ac nad oeddent, felly, yn bwriadu cyflwyno adroddiad ar y Memorandwm Cydsyniad Deddfwriaethol.