Cofnodion

Cafwyd ymddiheuriadau am absenoldeb gan y Dirprwy Lywydd.

Nododd y Pwyllgor y cofnodion i'w cyhoeddi.

Cafodd y Pwyllgor y wybodaeth ddiweddaraf gan y Gweinidog Cyllid a Busnes y Llywodraeth am y newidiadau i Fusnes y Llywodraeth ddydd Mawrth.

Bydd y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer ddydd Mercher.

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn y busnes a chytunodd i amserlennu’r eitemau a ganlyn:

Dydd Mercher 8 Hydref 2014 - 

·         Cynnig i ddiddymu Rheoliadau Addysg (Sefydliadau Ewropeaidd) a Chymorth i Fyfyrwyr (Cymru) (Dirymu) 2014 (30 munud)

Dydd Mercher 22 Hydref 2014 -

·         Dadl ar adroddiad y Pwyllgor Amgylchedd a Chynaliadwyedd ar ei Ymchwiliad i Gynigion Llywodraeth Cymru ar gyfer yr M4 o amgylch Casnewydd (60 munud) 

·         Amser a neilltuwyd i'r Ceidwadwyr Cymreig (60 munud)

·         Amser a neilltuwyd i Blaid Cymru (60 munud)

·         Dadl Fer – Lynne Neagle (Torfaen) (30 munud)

Ym mis Hydref 2013, cytunodd y Cynulliad i ddiwygio Rheol Sefydlog 30A ar gydsyniad deddfwriaethol i offerynnau statudol a wneir gan Weinidogion y DU. Yn ei gyfarfod ym mis Gorffennaf 2013, cytunodd y Pwyllgor Busnes i adolygu'r broses ymhen blwyddyn. Cytunodd y Rheolwyr Busnes nad oes angen adolygu Rheol Sefydlog 30A ymhellach ar hyn o bryd.

Nododd y Llywydd bod posibilrwydd y bydd gweithredu diwydiannol ar 15 Hydref. Cytunodd y Rheolwyr Busnes i drafod ail-drefnu busnes yn y cyfarfod nesaf a phenderfynu ar sut i ymateb bryd hynny.

Holodd Elin Jones am gyfrifoldebau gweinidogol y Dirprwy Weinidog Iechyd fel y nodwyd yn nogfen Cyfrifoldebau Gweinidogol y Llywodraeth. Cytunodd y Gweinidog Cyllid a Busnes y Llywodraeth i godi'r mater gyda'r Prif Weinidog ac adrodd yn ôl i'r Pwyllgor.