Cofnodion

Nododd y Pwyllgor y cofnodion i'w cyhoeddi.

Cafodd y Pwyllgor y wybodaeth ddiweddaraf gan y Gweinidog Cyllid a Busnes y Llywodraeth am y newidiadau i Fusnes y Llywodraeth ddydd Mawrth.

Bydd y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer ddydd Mercher.

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn y busnes a chytunodd i amserlennu’r eitemau a ganlyn:

Dydd Mercher 26 Tachwedd 2014 - 

·         Dadl ar adroddiad dilynol y Pwyllgor Menter a Busnes i Sgiliau Gwyddoniaeth, Technoleg, Peirianneg a Mathemateg (STEM) (60 munud)

·         Amser a neilltuwyd i'r Ceidwadwyr Cymreig (60 munud)

·         Amser a neilltuwyd i Blaid Cymru (60 munud)

·         Dadl Fer – Nick Ramsay (Sir Fynwy) (30 munud)

·         Dadl Fer - Darren Millar (Gorllewin Clwyd) (30 munud)

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol mewn perthynas â'r Bil Hawliau Defnyddwyr.

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol at y Pwyllgor Cymunedau, Cydraddoldeb a Llywodraeth Leol er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm erbyn dydd Iau 20 Tachwedd 2014, er mwyn gallu trafod y Cynnig Cydsyniad Deddfwriaethol yn y Cyfarfod Llawn ddydd Mawrth 25 Tachwedd 2014.

Trafododd y Pwyllgor Busnes bapur gan y Llywodraeth ynghylch cynnig i sefydlu Pwyllgor Cynulliad i drafod Cael Gwared ar yr Amddiffyniad Cosb Resymol mewn achosion o Gosbi Plant yn Gorfforol, ynghyd â phapur gan yr Ysgrifenyddiaeth yn nodi materion cysylltiedig i'r Rheolwyr Busnes eu hystyried.

Cytunodd y Rheolwyr Busnes i drafod y cynnig, gan gynnwys yr aelodaeth a materion eraill sy'n ymwneud â'r Pwyllgor, gyda'u grwpiau ac adrodd yn ôl i'r Pwyllgor Busnes ar 11 Tachwedd 2014.

Trafododd y Rheolwyr Busnes bapur ar y cynigion gan y Pwyllgor Materion Cyfansoddiadol a Deddfwriaethol i ddiwygio'r Rheolau Sefydlog mewn perthynas â swyddogaethau'r Cynulliad.  Cytunodd y Pwyllgor i'r Ysgrifenyddiaeth lunio cynigion ar gyfer diwygio Rheol Sefydlog 30 ac y byddai'n dychwelyd at y mater mewn cyfarfod yn y dyfodol.

Nododd y Rheolwyr Busnes y byddai'r Llywodraeth yn gosod Gorchymyn Adran 109 yr wythnos hon, cyn dod â phapur ffurfiol gerbron y Pwyllgor yr wythnos nesaf.

Dywedodd Gweinidog Busnes y Llywodraeth wrth y Pwyllgor y byddai'r Llywodraeth yn gosod Memorandwm Cydsyniad Deddfwriaethol Atodol ar y Bil Busnesau Bach, Menter a Chyflogaeth yr wythnos hon, ac y byddai papur yn cael ei gyflwyno yn y cyfarfod yr wythnos nesaf.