Cofnodion

Nododd y Pwyllgor y cofnodion ar gyfer eu cyhoeddi.

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer ddydd Mercher.

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn y busnes a chytunodd i amserlennu’r eitemau a ganlyn:

Dydd Mercher 28 Ionawr 2015

·         Cwestiynau i Gomisiwn y Cynulliad (15 munud)

·         Amser a neilltuwyd i’r Ceidwadwyr Cymreig (60 munud)

·         Amser a neilltuwyd i Blaid Cymru (60 munud)

·         Amser a neilltuwyd i Ddemocratiaid Rhyddfrydol Cymru (60 munud)

Cytunodd Rheolwyr Busnes o ran egwyddor i gyfeirio’r Bil Llywodraeth Leol (Cymru) at y Pwyllgor Cymunedau, Cydraddoldeb a Llywodraeth Leol ar gyfer ystyriaeth yng Nghyfnod 1.

Cytunodd y Rheolwyr Busnes i ohirio penderfyniad ar amserlen y Bil fel y gellir ymgynghori â’r Pwyllgor Cymunedau, Cydraddoldeb a Llywodraeth Leol.

Ystyriodd y Rheolwyr Busnes newidiadau arfaethedig i’r Rheolau Sefydlog er mwyn rhoi argymhellion adroddiad y Pwyllgor Safonau Ymddygiad mewn perthynas â Chofrestru a Datgan Buddiannau Aelodau ac Aelodaeth y Pwyllgor Safonau Ymddygiad ar waith.

Cytunodd y Rheolwyr Busnes i ymgynghori â’u grwpiau ar y cynigion ac i drafod y mater ymhellach yng nghyfarfod y Pwyllgor Busnes ar 20 Ionawr 2015.

Cadarnhaodd y Rheolwyr Busnes eu bod yn fodlon â fformat Cwestiynau’r Llefarwyr sydd wedi bod ar waith ers dechrau tymor yr hydref 2014. 

Cytunodd y Rheolwyr Busnes y dylai’r ddadl nesaf gan Aelod unigol gael ei chynnal ddydd Mercher 11 Mawrth, 2015.