Agenda a Chofnodion

Cafwyd ymddiheuriadau gan Rhodri Glyn Thomas. Nid oedd neb yn dirprwyo ar ei ran.

Llywodraeth Cymru 

CELG(4)-22-12 – Papur 1

Carl Sargeant AC, Y Gweinidog Llywodraeth Leol a Chymunedau

Reg Kilpatrick, Cyfarwyddwr, Llywodraeth Leol a Gwasanaethau Cyhoeddus

Kate Cassidy, Cyfarwyddwr, Cymunedau a Chyfiawnder Cymdeithasol

Croesawodd y Cadeirydd y Gweinidog a’i swyddogion. Bu’r Aelodau’n holi’r Gweinidog.

Cytunodd y Gweinidog i wneud yr hyn a ganlyn:

Darparu’r wybodaeth ddiweddaraf ar gynnydd o ran y broses atebolrwydd yn seiliedig ar ganlyniadau;

Darparu diffiniad o ddatblygu cynaliadwy a gofyn i’r Gweinidog Amgylchedd a Chynaliadwyedd i ysgrifennu at y Pwyllgor am y mater hwn;

Darparu gwybodaeth am asesiad effaith rheoleiddiol Biliau o safbwynt ariannol ac a oes dulliau ar waith i olrhain y broses hon;

Os yn bosibl, darparu ffigurau ynghylch y cynllun a gynigiwyd i ddisodli budd-dal y dreth gyngor ym mis Ebrill 2013;

Darparu gwybodaeth am y partneriaethau Cymunedau’n Gyntaf sydd wedi gadael y cynllun;

Darparu gwybodaeth bellach am yr arian ychwanegol sydd ar gael i’r sector cynghori; a

Darparu manylion y model a ddefnyddir i ariannu’r Gwasanaeth Tân ac Achub ac yn arbennig sut y mae’n cymharu â’r ffordd y caiff awdurdodau lleol a’r heddlu eu hariannu.

Llywodraeth Cymru 

CELG(4)-22-12 – Papur 2 and Papur 2A

Jane Hutt AC, Y Gweinidog Cyllid ac Arweinydd y Tŷ
Amelia John, Pennaeth yr Is-Adran Cydraddoldeb, Amrywiaeth a Chynhwysiant

Claire McDonald, Pennaeth yr Uned Cydraddoldeb 
Joanne Glenn, Pennaeth y Tîm Cynhwysiant

Croesawodd y Cadeirydd y Gweinidog a’i swyddogion. Bu’r Aelodau’n holi’r Gweinidog.

Cytunodd y Gweinidog i ddarparu’r hyn a ganlyn:

Rhestr o’r sefydliadau allanol a ariannwyd dros y cyfnod o dair blynedd;

Y templed a ddefnyddiwyd ar gyfer y canllawiau ar Asesiadau o'r Effaith ar Gydraddoldeb; a

Y dyraniadau cyllidebol i sefydliadau sy’n cefnogi’r gwaith o ddarparu’r Cynllun Gweithredu ar y Strategaeth Cynnwys Ffoaduriaid.

Eitem 5 a 6

Cytunwyd ar y cynnig.

Cytunodd y Pwyllgor i ysgrifennu at y Gweinidog am y cynnig arfaethedig i uno Comisiwn Brenhinol Henebion Cymru.

Trawsgrifiad o’r cyfarfod.