Agenda a Chofnodion

Gweld trawsgrifiad o'r cyfarfod.

1.1 Trafododd y Pwyllgor yr adroddiad drafft. Cytunodd i ystyried yr adroddiad drafft ymhellach yn ei gyfarfod ar 25 Mehefin, 2015.

2.1 Trafododd y Pwyllgor ei ddull o graffu ar waith y Gweinidog Iechyd a Gwasanaethau Cyffredinol a’r Dirprwy Weinidog Iechyd yn gyffredinol ac yn ariannol.

3.1 Cafwyd ymddiheuriadau gan Lynne Neagle. Dirprwyodd Mike Hedges ar ran Lynne Neagle.

Mark Drakeford AC, y Gweinidog Iechyd a Gwasanaethau Cymdeithasol

Vaughan Gething AC, y Dirprwy Weinidog Iechyd

Andrew Goodall, Cyfarwyddwr Cyffredinol Iechyd a Gwasanaethau Cymdeithasol a Phrif Weithredwr GIG Cymru

Ruth Hussey, Prif Swyddog Meddygol

Albert Heaney, Cyfarwyddwr Gwasanaethau Cymdeithasol ac Integreiddio

Martin Sollis, Cyfarwyddwr Cyllid

4.1 Bu’r Gweinidog a’r Dirprwy Weinidog yn ateb cwestiynau gan yr Aelodau.

4.2 Cytunodd y Gweinidog i ddarparu:

-     Dadansoddiad o’r dyraniadau ychwanegol o £6.8 miliwn ar gyfer y perfformiad gofal wedi’i gynllunio a £6.8 miliwn ar gyfer pwysau’r gaeaf i’r byrddau iechyd, a ddarparwyd yn ystod 2014-15, (y nodwyd y manylion yn eu cylch ym mharagraff 8 o’ch papur ysgrifenedig), fesul bwrdd iechyd unigol;

-     manylion am gynnwys cyffredinol y cyllidebau gofal iechyd sylfaenol a gofal iechyd eilaidd, gan gynnwys gwybodaeth am:

-     ddyraniadau a wnaed i wasanaethau gofal sylfaenol a gofal eilaidd, yn ôl eu trefn, yn 2014-15;

-     y gyfran o’r gorwariant yn 2014-15 a oedd i’w briodoli i ofal sylfaenol a gofal eilaidd, yn ôl eu trefn; ac

-     y codiadau / gostyngiadau ar gyfer cyllidebau gofal sylfaenol a gofal eilaidd, yn ôl eu trefn, ar gyfer pob un o’r pum mlynedd diwethaf, yn arbennig fel cyfran o gyllideb gyffredinol yr adran.

-     cadarnhad o’r dyddiad y rhoddwyd gwybod i fyrddau iechyd yng Nghymru na fyddai angen ad-dalu’r gorwariant a’r cyllid broceriaeth a ddarparwyd ar ddiwedd 2013-14, cyn cychwyn Deddf Cyllid y Gwasanaeth Iechyd Gwladol (Cymru) 2014; ac

-     y wybodaeth ddiweddaraf am y gwaith a wneir gan Lywodraeth Cymru o ran y llifau ariannol ar draws ffiniau byrddau iechyd.

5.1 Trafododd y Pwyllgor y ddeiseb a chytunodd i argymell y dylid cau’r ddeiseb.

6.1a Nododd y Pwyllgor gofnodion cyfarfodydd 21 Mai a 3 Mehefin 2015.

Gwybodaeth ychwanegol gan y Rhwydwaith Maethu

Gwybodaeth ychwanegol gan y Comisiynydd Pobl Hŷn

Gohebiaeth gan y Gweinidog Iechyd a Gwasanaethau Cymdeithasol – 3 Mehefin 2015

Gohebiaeth gan y Gweinidog Iechyd a Gwasanaethau Cymdeithasol – 10 Mehefin 2015

Gwybodaeth ychwanegol gan Blant yng Nghymru

Gwybodaeth ychwanegol gan NSPCC

Gohebiaeth gan y Pwyllgor Cyllid – 11 Mehefin 2015

6.2a Nododd y Pwyllgor y wybodaeth ychwanegol.

7.1 Derbyniodd y cynnig.

8.1 The Committee considered the evidence received.

9.1 Bu’r Pwyllgor yn trafod ei ddull o graffu ar y Bil yng Nghyfnod 1 a chytunodd i:

·         gyhoeddi cais cyffredinol am dystiolaeth, gyda chyfnod ymgynghori o 11 wythnos, o 19 Mehefin tan 4 Medi 2015;

·         drafod ymhellach amserlen y sesiynau tystiolaeth lafar yn ei gyfarfod ar 25 Mehefin 2015.