Agenda a Chofnodion

1.1 Ni chafwyd ymddiheuriadau.

2.1 Trafododd y Pwyllgor effaith Bil Cymru drafft ar gymhwysedd deddfwriaethol ym maes iechyd a gofal cymdeithasol.

2.2 Cytunodd y Pwyllgor i ysgrifennu at y Pwyllgor Materion Cyfansoddiadol a Deddfwriaethol i gyfrannu at ei waith craffu cyffredinol ar Fil Cymru drafft, ac i anfon copi o’r llythyr hwn at Ysgrifennydd Gwladol Cymru, y Prif Weinidog a’r Llywydd.

Noder: Bydd y Pwyllgor yn cael egwyl rhwng 10.55 a 11.10 ar gyfer y ddwy funud o ddistawrwydd i nodi Dydd y Cofio.

3.1 Trafododd y Pwyllgor yr adroddiad drafft. Cytunodd y Pwyllgor i drafod yr adroddiad drafft eto yn ei gyfarfod ar 19 Tachwedd 2015.

3.2 Yn unol â Rheol Sefydlog 17.34(ii), pleidleisiodd y Pwyllgor ar y cynnig a ganlyn, a gynigiwyd gan Darren Millar AC gyda chefnogaeth Alun Davies AC, ac fe'i derbyniwyd gan y Cadeirydd heb rybudd yn unol â Rheol Sefydlog 17.44:

Bod y Pwyllgor Iechyd a Gofal Cymdeithasol yn ysgrifennu at y Pwyllgor Busnes i ofyn am estyniad i'r dyddiad cau ar gyfer adrodd ar gasgliadau ei drafodaeth Cyfnod 1 ar Fil Iechyd y Cyhoedd (Cymru).

Dyma ganlyniad y bleidlais:

4.1a Nododd y Pwyllgor y cofnodion.

4.2a Nododd y Pwyllgor y wybodaeth ychwanegol.