Agenda a Chofnodion

Gweld trawsgrifiad o'r cyfarfod.

1.1 Cafwyd ymddiheuriadau gan David Rees AC a Byron Davies AC. Nid oedd unrhyw ddirprwyon.

Tystion:

Ian Davies, Rheolwr Llwybrau - De Môr Iwerddon, Stena Line Limited

Alec Don, Prif Weithredwr, Porthladd Aberdaugleddau

Callum Couper, Rheolwr Porthladd, Porthladdoedd Cysylltiedig Prydain, De Cymru

2.1. Clywodd y Pwyllgor dystiolaeth gan Ian Davies, Rheolwr Llwybrau – rhanbarth De Môr Iwerddon, Stena Line Limited; Alec Don, Prif Weithredwr a Mark Andrews, Cyfarwyddwr Materion Corfforaethol, a oedd ill dau yn cynrychioli porthladd Aberdaugleddau, a Callum Couper, Rheolwr Porthladd, Porthladdoedd Cysylltiedig Prydain, De Cymru.

Tystion:

Dr Andrew Potter, Ysgol Fusnes Caerdydd, Prifysgol Caerdydd

Martin Evans, cyn-gadeirydd ac aelod o Fwrdd Sefydliad Siartredig Logisteg a Thrafnidiaeth Cymru

3.1. Clywodd y Pwyllgor dystiolaeth gan Dr Andrew Potter, Ysgol Fusnes Caerdydd, Prifysgol Caerdydd a Martin Evans, cyn-gadeirydd ac aelod o Fwrdd Sefydliad Siartredig Logisteg a Thrafnidiaeth Cymru.

Tystion:

Ceri Jones, Yr Adran Ymchwil ac Arloesi, Prifysgol Abertawe

Wyn Prichard, Cyfarwyddwr Cymru, Bwrdd Hyfforddi'r Diwydiant Adeiladu

Chris Doherty, Arweinydd Adnoddau Dynol, GE Aviation Wales

4.1 Clywodd y Pwyllgor dystiolaeth gan Ceri Jones, Adran Ymchwil ac Arloesedd, Prifysgol Abertawe, a Wyn Prichard, Cyfarwyddwr Cymru, Bwrdd Hyfforddi’r Diwydiant Adeiladu.

Tystion:

Edwina Hart AC, Gweinidog yr Economi, Gwyddoniaeth a Thrafnidiaeth, Llywodraeth Cymru

James Price, Cyfarwyddwr Cyffredinol, yr Economi, Gwyddoniaeth a Thrafnidiaeth

Claire Bennett, Dirprwy Gyfarwyddwr Polisi, Cynllunio a Phartneriaethau Trafnidiaeth

5.1 Clywodd y Pwyllgor dystiolaeth gan Weinidog yr Economi, Gwyddoniaeth a Thrafnidiaeth, Llywodraeth Cymru. Cefnogwyd y Gweinidog gan James Price, Cyfarwyddwr Cyffredinol, Adran yr Economi, Gwyddoniaeth a Thrafnidiaeth a Claire Bennett, Dirprwy Gyfarwyddwr Polisi, Cynllunio a Phartneriaethau Trafnidiaeth.

5.2 Cytunodd Gweinidog yr Economi, Gwyddoniaeth a Thrafnidiaeth i:

- Rannu argymhellion y Grŵp Cynghori ar Fysiau;

- Ystyried a ddylid cynnwys y Gymdeithas Cludiant Cymunedol yn y Grŵp Cynghori ar Fysiau;

- Darparu nodyn ar broses gymeradwyo Llywodraeth Cymru o ran y penderfyniad ynghylch tocynnau rhatach, a sut y darparwyd cyngor i’r Gweinidog;

- Darparu nodyn ar sut y caiff amcanestyniadau demograffig Cymru eu hystyried wrth bennu lefelau ariannu teithio rhatach dros y tair blynedd nesaf, o gofio’r gostyngiadau yn y cyllid sydd ar gael ym mhob blwyddyn o’r cytundeb;

- Darparu’r wybodaeth ddiweddaraf am y cynlluniau i ddatblygu tocynnau teithio rhatach i bobl ifanc;

- Darparu nodyn ar y dull o ariannu’r gwaith o drydaneiddio rheilffyrdd yn ne Cymru, a nodwyd yn achos busnes amlinellol terfynol Llywodraeth Cymru ar gyfer trydaneiddio yn y Cymoedd, gan gynnwys adran 6 o Achos Busnes Amlinellol dyddiedig Mai 2012, ac os yn bosibl, gan gynnwys y ffigurau a adolygwyd o’r achos busnes;

- Darparu nodyn ar y trafodaethau a gafwyd ynghylch trydaneiddio rheilffordd gogledd Cymru, a materion trafnidiaeth ehangach sy’n gysylltiedig â hynny;

- Darparu’r wybodaeth ddiweddaraf am waith deuoli i gysylltu prif linell rheilffordd Gogledd Cymru â Lerpwl a Manceinion.

7.1 Penderfynodd y Pwyllgor, o dan Reol Sefydlog 17.42 i wahardd y cyhoedd o’r cyfarfod ar gyfer y canlynol: Ymchwiliad i Dwristiaeth (trafod y papur cwmpasu).

8.1 Ystyriodd y Pwyllgor yr eitem hon mewn sesiwn breifat.

8.2 Cymeradwyodd y Pwyllgor y cylch gorchwyl ar gyfer yr Ymchwiliad i Dwristiaeth.