Agenda a Chofnodion

Gweld trawsgrifiad o’r cyfarfod.

1.1         Croesawodd y Cadeirydd yr Aelodau i’r cyfarfod.

1.2         Cafwyd ymddiheuriadau gan Sandy Mewies. Roedd Ann Jones yn dirprwyo ar ei rhan.

PAC(4)-20-15 Papur 1

Briff Swyddfa Archwilio Cymru

James Price – Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol, Llywodraeth Cymru

Simon Jones – Cyfarwyddwr, Cyllid a Pherfformiad, Grŵp yr Economi, Sgiliau a Chyfoeth Naturiol, Llywodraeth Cymru

2.1 Clywodd y Pwyllgor dystiolaeth gan James Price, Dirprwy Ysgrifennydd Parhaol, Grŵp yr Economi, Sgiliau a Chyfoeth Naturiol, Llywodraeth Cymru a              Simon Jones, Cyfarwyddwr, Cyllid a Pherfformiad, Grŵp yr Economi, Sgiliau a Chyfoeth Naturiol, Llywodraeth Cymru fel rhan o’i ymchwiliad i Fuddsoddiad Llywodraeth Cymru yn Seilwaith Band Eang y Genhedlaeth Nesaf.

2.2 Cytunodd James Price i anfon nodyn ar:

·       Restr o leoliadau lle mae problemau o ran mynediad wedi bod yn anodd i Openreach

·       Beth y mae Llywodraeth Cymru yn disgwyl a gaiff ei ddarparu fel rhan o’r gyllideb farchnata o £1.7m, a sut y caiff ei defnyddio ar sail ddaearyddol.

·       Hawliau datblygu a ganiateir

·       Cyflwyno Ffeibr yn Ôl y Galw

·       Lleoliadau ble y bydd contractau ychwanegol yn ofynnol yn dilyn y cyhoeddiad a ddisgwylir ar brosiect ‘Mewnlenwi Cyfnod 2’

3.1 Cafodd y papurau eu nodi.

Eitemau 5, 6 a 7, a'r cyfarfod ar 14 Gorffennaf 2015

4.1 Cytunwyd ar y cynnig.

5.1 Bu’r Pwyllgor yn trafod y dystiolaeth a ddaeth i law.

PAC(4)-20-15 Papur 2

PAC(4)-20-15 Papur 3

PAC(4)-20-15 Papur 4

6.1 Nododd yr Aelodau’r llythyr gan Archwilydd Cyffredinol Cymru a chytunodd y dylai’r Cadeirydd gopïo’r ohebiaeth ddiweddar ag Owen Evans, y Dirprwy Ysgrifennydd Parhaol sydd newydd ei benodi, sydd â chyfrifoldeb dros hyn, yn gofyn am ei ystyriaethau ynghylch y cwestiynau a ofynnwyd. Bydd y Pwyllgor yn ystyried y mater hwn eto ym mis Medi.

PAC(4)-20-15 Papur 5

PAC(4)-20-15 Papur 6

7.1 Nodwyd y papur gan yr Aelodau. Gofynnwyd i’r Clercod, fodd bynnag, ail-drefnu’r cyfarfod a awgrymwyd y dylid ei gynnal ddydd Llun 28 Medi i ddydd Llun arall, oherwydd bod nifer o’r Aelodau i ffwrdd.

7.2 Cytunodd yr Aelodau â’r rhestr o gyrff a awgrymwyd ar gyfer craffu ar gyfrifon, a chytunodd i baratoi papur etifeddiaeth hefyd.

7.3 Nododd yr Aelodau gais y Cadeirydd am sesiwn ymadawol gyda’r Cyfarwyddwyr Cyffredinol, o gofio’r ymadawiadau diweddar o Lywodraeth Cymru. Dywedwyd wrth y Cadeirydd nad oedd sesiwn ymadawol gyda’r Cyfarwyddwyr Cyffredinol a oedd yn gadael yn briodol oherwydd bod amgylchiadau eu hymadawiad yn wahanol iawn i ymadawiadau Cyfarwyddwyr Cyffredinol blaenorol.