Agenda a Chofnodion
Lleoliad: Ystafell Gynhadledd 4B - Tŷ Hywel. Cyfarwyddiadau
Cyswllt: Liz Jardine
Rhif | Eitem |
---|---|
Cyflwyniadau, ymddiheuriadau a datganiadau o fuddiant Cofnodion: Cafwyd ymddiheuriadau gan Anna Daniel (Pennaeth yr adran Trawsnewid Strategol), Nia Morgan (Pennaeth yr adran Gwasanaethau Ariannol) a Mair Parry-Jones
(pennaeth y Gwasanaeth Cyfieithu a Chofnodi). |
|
Nodyn i staff Cofnodion: Byddai Adrian Crompton yn drafftio nodyn am drafodaeth y Bwrdd Rheoli ar
gyfer y dudalen newyddion i staff. |
|
Cofnodion y cyfarfod blaenorol Cofnodion: Cytunwyd bod cofnodion cyfarfod y Bwrdd Rheoli a gynhaliwyd ar 20
Gorffennaf yn gywir. |
|
Diben y cyfarfod Cofnodion: Eglurodd Manon Antoniazzi fod y Llywydd wedi gofyn iddi ffurfioli'r ymarfer
cynllunio capasiti sydd ar y gweill ar hyn o bryd er mwyn llywio trafodaethau'r
Comisiwn ynghylch ei flaenoriaethau yn yr hydref. Byddai'r cyfarfod hwn yn cyfrannu at y broses
honno drwy adolygu canlyniad y cylch cynllunio gwasanaethau ym mis Mawrth, er
mwyn craffu arno'n fanwl a rhoi prawf ar y dadleuon a gyflwynwyd. Diolchodd
Manon i bawb am eu gwaith paratoi ar gyfer y cyfarfod a nododd fod y ddogfennaeth yn rhoi darlun cynhwysfawr o'r hyn
y mae'r sefydliad yn ei wneud, yn unol â'r amcanion strategol. Byddai hyn yn llywio cyfarfod nesaf y Comisiwn, pryd y
byddai'n penderfynu’n derfynol ar gynigion y gyllideb i’w cyflwyno gerbron y
Cynulliad yn yr hydref. Ar hyn o bryd,
roedd y sefydliad yn cynnal nifer o adolygiadau mewnol o feysydd a phrosiectau
amrywiol, gan gynnwys effeithlonrwydd ac effeithiolrwydd. Byddai'r adolygiadau hyn yn helpu i ddangos
cyd-destun y gyllideb ac yn darparu eglurder ffeithiol. |
|
Senedd Ieuenctid Cofnodion: Cyflwynodd Non Gwilym bapur drafft, i’w drafod yng nghyfarfod y Comisiwn ym
mis Medi, yn dilyn yr ymgynghoriad cyhoeddus ar brif egwyddorion y senedd
ieuenctid. Roedd y papur yn crynhoi canlyniadau'r ymgynghoriad, yr opsiynau ar
gyfer y camau nesaf a'r materion i'w hystyried o ran y sefyllfa ariannol,
dulliau gweithredu ac enw da'r sefydliad. Roedd y tîm Amrywiaeth a Chynhwysiant wrthi'n paratoi Asesiad Effaith
Cydraddoldeb, a chyfranogion allanol yn cyfrannu ato, er mwyn sicrhau bod
grwpiau anodd eu cyrraedd yn cael eu cynnwys. Trafododd y Bwrdd Rheoli yr opsiynau a amlinellwyd o ran cynnal etholiad a
gweithredu'r senedd ieuenctid am y ddwy flynedd gyntaf, naill ai: drwy
ddefnyddio adnoddau presennol y sefydliad a dad-flaenoriaethu, gohirio neu atal
gweithgareddau eraill er mwyn cyflawni'r nod hwn; drwy ddarparu cymorth amgen,
fel adnoddau addysg ar-lein i ryddhau staff; neu drwy sicrhau adnoddau
ychwanegol (cydnabuwyd y byddai'n parhau i effeithio ar staff presennol ar
adegau allweddol yn ystod blwyddyn y senedd ieuenctid ac ar y rhai sydd â
sgiliau penodol o ran cefnogi, er enghraifft, y tîm Ymchwil a'r tîm
Cyfreithiol). Camau i’w cymryd: ·
Non Gwilym i gynnwys yr opsiynau o
ran cyflawni'r senedd ieuenctid yn y papur terfynol a disgrifio beth fyddai
natur unrhyw adnoddau ychwanegol; y costau parhaus a ymrwymir er mwyn parhau
â'r senedd ar ôl iddi gael ei sefydlu a'r effaith ar dimau eraill yn y
sefydliad. ·
Aelodau'r Bwrdd Rheoli i gynorthwyo
Non wrth lenwi'r adran ynglŷn â’r effaith ar dimau eraill. |
|
Adroddiad ar Reoli Cyllid – Gorffennaf 2017 Cofnodion: Trafododd y Bwrdd yr Adroddiad ar Reoli Cyllid ar gyfer mis Gorffennaf. Nid
oedd llawer o adnoddau ariannol ar gael ar gyfer y flwyddyn ariannol hon ac
roedd y pwysau ar adnoddau ariannol yn debygol o barhau'n sylweddol yn ystod
2018-19 gan fod rhai costau wedi'u gohirio tan y flwyddyn nesaf. Dywedodd Catharine Bray unwaith eto fod angen rheoli cyllidebau a
chynlluniau buddsoddi yn ofalus, creu rhagolygon yn rheolaidd a sicrhau eu bod
yn gywir. Roedd cyfarfodydd yn cael eu trefnu rhwng y tîm Cyllid a'r holl
Benaethiaid Gwasanaeth cyn dechrau'r tymor newydd, er mwyn sicrhau y gellid
paratoi'r amcangyfrifon gorau posibl o faint ac amseriad gwariant yn y dyfodol
erbyn canol mis Medi. Cam i’w gymryd: · Y Penaethiaid i sicrhau bod gan eu staff yr holl wybodaeth a sgiliau sydd
eu hangen arnynt i baratoi rhagolygon yn gywir. Gallai'r tîm Cyllid ddarparu
hyfforddiant ar y system gyllid newydd, NAV, yn ôl yr angen. |
|
Blaenoriaethau corfforaethol Cofnodion: Ystyriodd y Bwrdd Rheoli'r pwysau y mae'r sefydliad yn eu hwynebu ar hyn o
bryd o ran staffio ac adnoddau, gan gynnwys newidiadau cyfansoddiadol, effaith gadael
y UE, a blaenoriaethau a nodau strategol. Trafododd y Bwrdd y rhestr o adnoddau
a nodwyd a heriodd y dadleuon ar gyfer pob un. Camau i’w cymryd: ·
Y Penaethiaid i gysoni crynodebau'r
Cyfarwyddiaethau â'r rhestr adnoddau i ddangos yr hyn sy'n cael ei gyfrif
eisoes mewn cyllidebau, a diweddaru'r rhestr cyn trafodaeth y Bwrdd Buddsoddi
ac Adnoddau ar 17 Awst. ·
Y Penaethiaid i
ddarparu rhestr o 'anghenion' i'r adran Adnoddau Dynol, gan amlinellu sut y
gallai trefniant partneriaeth arfaethedig gyda Chynulliad Gogledd Iwerddon
weithio o ran prosiectau neu dasgau penodol yn eu meysydd. ·
Manon Antoniazzi i
baratoi cylch gorchwyl ar gyfer yr adolygiad staff sy'n adlewyrchu'r drafodaeth
a'i ddosbarthu i'r Bwrdd Rheoli er mwyn cael sylwadau. ·
Non Gwilym i
baratoi cynllun ar gyfer cyfathrebu â staff ac Aelodau Cynulliad ym mis Medi. |
|
Unrhyw fater arall Cofnodion: Dymunodd y Bwrdd longyfarchiadau i Elisabeth Jones ar ennill y radd uchaf o
ragoriaeth yn ei arholiad Cymraeg. |