Agenda a Chofnodion
Lleoliad: Ystafell Bwyllgora 5 - Tŷ Hywel. Cyfarwyddiadau
Cyswllt: Liz Jardine
Rhif | Eitem |
---|---|
Cyflwyniadau, ymddiheuriadau a datganiadau o fuddiant Cofnodion: Agorodd Manon Antoniazzi y cyfarfod trwy gydnabod y ffordd broffesiynol y
gwnaeth staff y Comisiwn gyflawni eu dyletswyddau yn ystod yr wythnos anodd a
fu. Derbyniwyd ymddiheuriadau gan Craig Stephenson (Cyfarwyddwr Gwasanaethau'r Comisiwn), Mark Neilson (Pennaeth TGCh), Matthew Richards (Pennaeth y Gwasanaethau
Cyfreithiol) a Kathryn Potter (Pennaeth Ymchwil). |
|
Nodyn cyfathrebu i staff - Nia Morgan Cofnodion: Byddai Nia Morgan yn drafftio nodyn am drafodaeth y Bwrdd Rheoli ar gyfer
tudalen newyddion y staff. |
|
Cofnodion y cyfarfod blaenorol Cofnodion: Cytunwyd bod cofnodion y cyfarfod o’r Bwrdd Rheoli a gynhaliwyd ar 23
Hydref yn gywir. |
|
Adroddiad ar Berfformiad Corfforaethol Ebrill – Medi 2017 Cofnodion: Cyflwynodd Dave Tosh yr adroddiad KPI ar gyfer y cyfnod rhwng Ebrill a
Medi. Roedd yr adroddiad yn cyfleu darlun o berfformiad da yn erbyn y nodau
strategol yn gyffredinol yn ogystal â lefel uchel o weithgaredd. Roedd angen adolygu'r dangosyddion
perfformiad yn rheolaidd i sicrhau eu bod yn parhau i fod yn berthnasol ac yn
ystyrlon yng ngoleuni newidiadau i ffocws neu dechnoleg. Byddai adolygiad yn
cael ei gynnal dros y misoedd nesaf i ddiwygio a disodli'r Dangosyddion
Perfformiad Allweddol cyfredol. Adolygodd y Bwrdd Rheoli y meysydd 'oren' a nododd hefyd y gallai
gweithgareddau penodol ar y pryd, fel yr etholiad, effeithio ar y gymhariaeth
â'r un cyfnod yn 2016. CAMAU I’W CYMRYD: ·
Non Gwilym a Mark Neilson i
adolygu'r dangosyddion ar YouTube a Senedd.tv i adlewyrchu'n well y newid i'r
ffordd y rhoddir sylw i'r cyfarfod llawn. ·
Y tîm llywodraethu i adolygu
Dangosyddion Perfformiad Allweddol gyda Phenaethiaid Gwasanaethau a dod yn ôl
at y Bwrdd Rheoli yn gynnar yn 2018, cyn cyflwyno i'r Comisiwn. |
|
Arolwg Staff 2017 Cofnodion: Cyflwynodd Rhodri Wyn Jones ganlyniadau'r arolwg
staff a gynhaliwyd ym mis Mai a'r cynllun gweithredu i fynd i'r afael â'r prif
faterion a'r themâu cylchol. Roedd 82 y cant o'r staff wedi ymateb, a oedd yn
galluogi'r Cynulliad i feincnodi yn erbyn sefydliadau eraill a chymharu adborth
o flynyddoedd blaenorol. Mae pob thema yn parhau i fod yn gadarnhaol i
raddau helaeth, a phob un ond un maes wedi gweld cynnydd ers yr arolwg a
gynhaliwyd yn 2015 - sy'n cymharu'n ffafriol â sefydliadau allanol ar draws
Cymru. Cafwyd y gwelliant mwyaf yn y maes
arweinyddiaeth a rheoli newid. Yn gyffredinol, roedd tri maes i
ganolbwyntio arnynt, ac ers cyhoeddi'r arolwg, mae Penaethiaid hefyd wedi
dadansoddi'r canlyniadau ar gyfer eu maes Gwasanaeth ac wedi paratoi cynlluniau
gweithredu gwasanaeth penodol. Trafododd y Bwrdd y canfyddiadau, gan gytuno ar yr
angen i gyfleu bod y Bwrdd yn gwrando, y gellid ei lunio o gwmpas dull 'fe
ddywedoch chi - fe wnaethom ni', ac yn amlinellu cyfres o ymrwymiadau i'w
cyflawni cyn yr arolwg nesaf, gan fod yn realistig, hefyd, am yr hyn sy'n
gyrraeddadwy. |
|
Adolygu Capasiti Eitem lafar Cofnodion: Rhoddodd Gareth Watts a Phil Turner y wybodaeth ddiweddaraf am yr adolygiad
Capasiti. Gofynnwyd i'r Bwrdd ystyried y
themâu a'r pynciau sy'n dod i'r amlwg, a gwneud sylwadau a chynnig her.
Rhagwelwyd y byddai argymhellion yr adolygiad yn cael eu llunio o amgylch y
pedair thema hyn. Roedd yr adolygiad yn hwyluso arfer da wrth ddwyn ynghyd lawer o
dystiolaeth a oedd eisoes yn bodoli, gan edrych ar ddata, trafod â
rhanddeiliaid a meincnodi yn erbyn seneddau eraill. Trafododd y Bwrdd Rheoli
sut yr oedd amcanion yr adroddiad yn cael eu bodloni, yn arbennig o ran pennu
blaenoriaethau a dyrannu adnoddau. Byddai'r canfyddiadau cychwynnol yn cael eu cyflwyno i ACARAC ar 27
Tachwedd ac i'r Comisiwn ar 4 Rhagfyr. |
|
Cyfarfod i’r holl staff Eitem lafar Cofnodion: Amlinellodd
Manon y bwriad ar gyfer y cyfarfod i'r holl staff ar 15 Rhagfyr. Hwn fyddai'r
cyfle cyntaf i staff ymateb i'r adolygiad capasiti ac i'r uwch dîm gydnabod
anawsterau penodol yr wythnos ddiwethaf ar y cyd, ynghyd â phwysau tymor yr
hydref, a gadael neges gadarnhaol i'r staff ynghylch y ffordd ymlaen. Trafododd
y Bwrdd fformat y cyfarfod. |
|
Diweddariad Diogelu Data (GDPR) Eitem lafar Cofnodion: Rhoddodd
Dave Tosh drosolwg o'r paratoadau cyfredol ar gyfer GDPR, a ddaw i rym ym mis
Mai 2018. Roedd Meysydd Gwasanaeth yn gweithio ar eu cofrestrau data personol,
gyda dyddiad cau ar gyfer diwedd Ionawr. Cynghorwyd penaethiaid i siarad â Sue
Morgan ac Alison Bond os oedd unrhyw ansicrwydd ynghylch cadw, caniatâd neu
gydsyniad. Roedd
gwaith yn mynd rhagddo i addasu canllawiau i Aelodau a byddai'r gofynion
tebygol yn cael eu rhoi iddynt hwy yn y lle cyntaf. CAMAU
I’W CYMRYD: ·
Penaethiaid i gynorthwyo eu timau lle roedd angen
penderfyniadau ar eu cofrestrau data personol. Alison Bond i egluro'r meysydd
lle roedd bylchau o hyd mewn data neu resymu. ·
Matthew Richards i ddosbarthu'r canllawiau a
baratowyd ar gyfer y Gwasanaethau Cyfreithiol. |
|
Adroddiad Rheolaeth Ariannol Hydref 2017 Cofnodion: Rhoddodd Nia Morgan amlinelliad byr o'r adroddiad
rheolaeth ariannol ar gyfer mis Hydref, gan ailadrodd bod y sefyllfa ariannol
yn parhau i fod yn heriol iawn, ar gyfer gweddill y flwyddyn ariannol a'r un
ganlynol. |
|
Y wybodaeth ddiweddaraf gan y Bwrdd Buddsoddi ac Adnoddau Eitem lafar Cofnodion: Rhoddwyd diweddariad byr ar gyfarfod diweddar y Bwrdd
Buddsoddi ac Adnoddau. |
|
Grid Cyfryngau Cyflwyniad Cofnodion: Rhoddodd Non Gwilym drosolwg o'r
grid cyfredol a oedd yn cynnwys gweithgareddau cyfathrebu corfforaethol a
busnes i hwyluso gwaith cynllunio. Cafodd llawer o weithgareddau a gynlluniwyd
eu canslo yr wythnos hon, gan gynnwys Senedd@Delyn, a fyddai'n cael ei symud
i'r flwyddyn newydd a lansio adroddiad y Panel Arbenigol, i'w ail-drefnu cyn
diwedd y tymor. Byddai busnes y Cynulliad yn cychwyn yfory, a
disgwylir llawer o ddiddordeb gan y cyfryngau. Byddai cyllideb y Comisiwn yn
cael ei thrafod ddydd Mercher. Roedd disgwyl i ddeuddeg o adroddiadau pwyllgorau gael eu
cyhoeddi cyn diwedd y tymor ac roedd y timau integredig yn ystyried trefniadau.
Byddai craffu agos iawn yr wythnos hon a gofynnodd
Non i benaethiaid wirio a oedd unrhyw beth ar goll o'r grid. |
|
Blaenraglen waith |
|
Unrhyw fater arall Cofnodion: Cynhelir y
cyfarfod nesaf ar 7 Rhagfyr. |