Agenda a Chofnodion
Lleoliad: Ystafell Bwyllgora 1 - Y Senedd. Cyfarwyddiadau
Cyswllt: Graeme Francis
Cyfryngau
Senedd.TV: Gweld y gweddarllediad
Transcript: Trawsgrifiad ar gyfer 17/09/2019 - Y Pwyllgor Deisebau - Y Bumed Senedd
Rhif | Eitem |
---|---|
Cyflwyniad, ymddiheuriadau, dirprwyon a datgan buddiannau Dogfennau ategol: Cofnodion: Cafwyd
ymddiheuriadau gan Michelle Brown. |
|
Deisebau newydd |
|
P-05-893 Achub Ein Parciau yng Nghymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd ar y camau a ganlyn: ·
ysgrifennu
at CLlLC i ofyn am eu barn ar y materion a godwyd gan y ddeiseb ac i ofyn am
unrhyw wybodaeth y gallant ei darparu ar nifer y caeau chwarae a’r mannau
agored sydd wedi’u colli, neu eu datblygu, o amgylch Cymru yn ystod y
blynyddoedd diwethaf; ac ·
aros am
farn y deisebydd ar yr ymatebion a gafwyd cyn penderfynu a ddylid cymryd camau
pellach ar y ddeiseb. |
|
P-05-894 Ardrethi busnes tecach i fusnesau Cymru Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i aros am sylwadau gan y
deisebydd ar yr ymateb a ddarparwyd gan Lywodraeth Cymru, cyn penderfynu a
ddylid cymryd camau pellach ynglŷn â'r ddeiseb. |
|
P-05-896 Atal Ward 35 yn Ysbyty’r Tywysog Siarl rhag Cau Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd ar y camau a ganlyn: ·
ysgrifennu
at Fwrdd Iechyd Cwm Taf Morgannwg i ofyn am ei farn ar y materion a godwyd gan
y ddeiseb, a gwybodaeth am y newidiadau sy’n effeithio ar Ward 35 a sut mae’n
helpu pobl y mae’r rhain yn effeithio arnynt; ac ·
aros am
farn y deisebydd ar yr ymatebion a gafwyd cyn penderfynu a ddylid cymryd camau
pellach ar y ddeiseb. |
|
P-05-897 Rhwystrwch Ddatblygwyr rhag gosod rhwydi yn y gwrychoedd a’r coed Dogfennau ategol:
Cofnodion: Trafododd y
Pwyllgor y ddeiseb am y tro cyntaf a chytunodd i aros am sylwadau gan y
deisebydd ar yr ymateb a ddarparwyd gan Lywodraeth Cymru, cyn penderfynu a
ddylid cymryd camau pellach ynglŷn â'r ddeiseb. |
|
Y wybodaeth ddiweddaraf am ddeisebau blaenorol |
|
P-05-771 Ailystyried y penderfyniad i roi’r gorau i Grant Byw'n Annibynnol Cymru a’r angen i gefnogi pobl anabl i fyw'n annibynnol Dogfennau ategol:
Cofnodion: Trafododd y
Pwyllgor yr ohebiaeth ymhellach a chytunodd i: ·
nodi’r
cynnydd a wnaed ac aros am ddiweddariad pellach gan y Dirprwy Weinidog Iechyd a
Gwasanaethau Cymdeithasol unwaith y bydd yr asesiadau annibynnol o anghenion
gofal pobl wedi'u cwblhau; a ·
llongyfarch
y deisebydd ar y cynnydd a wnaed gan ei ymgyrch hyd yma. |
|
PP-05-812 Dylid gweithredu canllawiau NICE ar gyfer trin Anhwylder Personoliaeth Ffiniol Dogfennau ategol:
Cofnodion: Trafododd y
Pwyllgor yr ohebiaeth bellach a chytunodd i aros am ymateb Llywodraeth Cymru
i'w hadroddiad ar ddeiseb P-05-736 Darparu Gwasanaethau Iechyd Meddwl Mwy
Hygyrch, yn enwedig yr argymhellion ynghylch mynediad at therapïau seicolegol,
cyn ystyried a yw'n gallu cymryd camau pellach ar y ddeiseb. |
|
P-05-817 Aelodau prosthetig arbenigol i blant Dogfennau ategol:
Cofnodion: Trafododd y
Pwyllgor yr ohebiaeth bellach a chytunwyd i ysgrifennu at y Gweinidog i ofyn am
ddiweddariad ar: ·
y cynnydd a
wnaed mewn perthynas ag achos busnes dros ddatblygu gwasanaeth i ddarparu
prostheses chwaraeon arbenigol i blant; ac ·
yr
ystyriaeth a roddir i ddarparu copi o'r achos busnes i'r Pwyllgor |
|
P-05-826 Mae sir Benfro yn dweud NA!! i gau adran damweiniau ac achosion brys Llwynhelyg! Dogfennau ategol:
Cofnodion: Trafododd y
Pwyllgor ohebiaeth bellach a chytunodd i ysgrifennu at Fwrdd Iechyd Prifysgol
Hywel Dda i ofyn am y wybodaeth ddiweddaraf am y gwaith a wnaed ers yr
ohebiaeth flaenorol ym mis Ionawr 2019, yn enwedig o ran ymgysylltu ac
ymgynghori â phobl leol, a gofyn iddynt ymrwymo i ddarparu diweddariad chwarterol
i’r Pwyllgor ynghylch y mater hwn. |
|
P-05-842 Rhowch lais i bobl ifanc yn y broses o gomisiynu gwasanaethau lleol yng Nghymru Dogfennau ategol:
Cofnodion: Trafododd y
Pwyllgor yr ohebiaeth bellach a chytunodd i ysgrifennu at y Gweinidog Iechyd a
Gwasanaethau Cymdeithasol yn gofyn: ·
am
ddiweddariad pellach o'r gwaith sydd ar y gweill a arweinir gan y Gweithgor
Cryfhau a Hyrwyddo Cydraddoldeb a Hawliau Dynol yng Nghymru; a ·
mynegi
cefnogaeth y Pwyllgor dros alwad y deisebwyr am ofyniad statudol i gynnwys plant
a phobl ifanc wrth gomisiynu gwasanaethau plant a phobl ifanc. |
|
P-05-849 Dylai pob dyn yng Nghymru gael mynediad drwy'r GIG at y profion diagnostig gorau posibl ar gyfer canser y prostad Dogfennau ategol:
Cofnodion: Trafododd y
Pwyllgor yr ohebiaeth ymhellach a chytunodd i:
·
ofyn am
ddiweddariad ar weithredu Canllaw NICE newydd ar gyfer canser y prostad; ·
amlinellu’r
pryderon a nodwyd gan Prostate Cancer UK a’r deisebydd, a gofyn am ystyriaeth
bellach ar sut y gellir rhoi mynediad i’r sganiau hyn i ddynion sy’n byw mewn
ardaloedd o Gymru lle nad oes sgan mpMRI ar gael eto fel mesur interim, er
enghraifft trwy fyrddau iechyd eraill neu'r sector preifat; ac ·
ysgrifennu
at elusennau canser eraill yng Nghymru i ofyn am eu barn ar y materion a
nodwyd, gan gynnwys y cynlluniau ar gyfer gweithredu sganio mpMRI. |
|
P-05-859 Dylid Darparu Tai Plant yng Nghymru i Blant sy'n Dioddef Camdriniaeth Rywiol Dogfennau ategol:
Cofnodion: Trafododd y
Pwyllgor yr ohebiaeth bellach a chytunodd i ysgrifennu at y Dirprwy Weinidog
Iechyd a Gwasanaethau Cymdeithasol i:
|
|
P-05-809 Is-ddeddfau Pysgota arfaethedig Newydd a methiannau Cyfoeth Naturiol Cymru Dogfennau ategol:
Cofnodion: Trafododd y Pwyllgor ddiweddariad a gohebiaeth bellach, a chytunodd i
gau'r ddeiseb ar y sail nad oes llawer o gamau pellach y gallai'r Pwyllgor eu
cymryd yn dilyn yr ymchwiliad manwl i'r Is-ddeddfau arfaethedig a gynhaliwyd
gan yr Arolygiaeth Gynllunio, a phenderfyniad y Gweinidog i gadarnhau'r
Is-ddeddfau. |
|
P-05-810 Rhowch Gyfle i Glybiau Pysgota Cymru ac Eog a Brithyll y Môr Dogfennau ategol:
Cofnodion: Trafododd y Pwyllgor ddiweddariad a gohebiaeth bellach, a chytunodd i
gau'r ddeiseb ar y sail nad oes llawer o gamau pellach y gallai'r Pwyllgor eu
cymryd yn dilyn yr ymchwiliad manwl i'r Is-ddeddfau arfaethedig a gynhaliwyd
gan yr Arolygiaeth Gynllunio, a phenderfyniad y Gweinidog i gadarnhau'r
Is-ddeddfau. |
|
P-05-813 Gwahardd y DEFNYDD O FAGLAU LARSEN (maglau dal sawl math o frân) Dogfennau ategol:
Cofnodion: Trafododd y Pwyllgor ohebiaeth bellach a chytunodd i ysgrifennu yn ôl at
Cyfoeth Naturiol Cymru i dderbyn eu cynnig i ymchwilio i’r arferion o ddefnyddio
a rheoleiddio Maglau Larsen, a gofyn iddynt ddarparu amserlen ddangosol ar
gyfer pryd y maent yn rhagweld y byddant yn cyflawni'r gwaith hwn. |
|
P-05-856 Rhaid gwahardd gwerthu cŵn bach gan siopau anifeiliaid anwes a phob gwerthwr trydydd parti masnachol yng Nghymru Dogfennau ategol:
Cofnodion: Trafododd y
Pwyllgor ddiweddariad a gohebiaeth bellach a chytunodd i ysgrifennu at Weinidog
yr Amgylchedd, Ynni a Materion Gwledig i groesawu'r cyhoeddiad ei bod yn
bwriadu cyflwyno gwaharddiad ar werthu cŵn bach a chathod bach trydydd
parti, a gofyn am fanylion y broses ac amserlenni arfaethedig. |
|
P-05-874 Gwahardd gwerthu nwyddau sydd wedi eu pecynnu mewn plastig untro ar wasanaethau Trafnidiaeth Cymru Dogfennau ategol:
Cofnodion: Yn sgil y camau a ddisgrifiwyd gan Trafnidiaeth Cymru a'u bwriad i
ddileu'r defnydd o blastigau un defnydd yn llwyr ar ei wasanaethau, cytunodd y
Pwyllgor i gau'r ddeiseb a diolch i'r deisebydd am gyflwyno’r ddeiseb. |
|
P-05-858 Taenellwyr Dŵr i arbed bywydau nid i wneud arian! Dogfennau ategol:
Cofnodion: Yn sgil yr adolygiad
o ofynion diogelwch tân, gan gynnwys y rhai o fewn rheoliadau adeiladu, sy’n
cael ei gynnal ar hyn o bryd, cytunodd y Pwyllgor i gau'r ddeiseb a diolch i'r
deisebydd am dynnu sylw at y mater hwn. |
|
P-05-867 Gwneud Murlun ‘Cofiwch Dryweryn' yn dirnod Cymreig dynodedig Dogfennau ategol:
Cofnodion: Trafododd y
Pwyllgor yr ohebiaeth ymhellach a chytunodd i: ·
ysgrifennu
at Tro’r Trai, yr elusen sydd bellach yn ymgymryd â'r rôl o amddiffyn y murlun,
i ofyn iddynt amlinellu sut y mae'n bwriadu cyflawni'r rôl hon yn y dyfodol; a ·
diolch i
Dilys Davies am ei rôl yn prynu'r murlun er mwyn hwyluso i’w amddiffyn ar gyfer
y dyfodol. |
|
P-05-884 Diwygio Rheoliadau Addysg (Cymorth i Fyfyrwyr) (Cymru) 2018 i gynnwys sefydliadau’r DU sydd â gweithrediadau dramor Dogfennau ategol:
Cofnodion: Trafododd y
Pwyllgor ohebiaeth bellach a chytunodd i ysgrifennu at Sefydliad Prifysgol
Llundain ym Mharis i ofyn: ·
am eglurhad
ynghylch ei statws rheoleiddio; ·
am ei
safbwynt ar y materion a nodwyd yn y ddeiseb; ac ·
am fanylion
unrhyw drafodaethau a gynhaliwyd gyda Llywodraeth Cymru ar y mater hwn. |
|
P-05-888 Gwneud TGAU Iaith Gymraeg yn orfodol ym mhob ysgol yng Nghymru Dogfennau ategol:
Cofnodion: Trafododd y
Pwyllgor ohebiaeth bellach a chytunodd i ysgrifennu yn ôl at Gyngor Ysgolion
Annibynnol Cymru (WISC) i ofyn pa ganran o ysgolion annibynnol sy’n cynnig
cyfle i'w disgyblion ddysgu TGAU Cymraeg. |