Ymgynghoriad
Ymchwiliad i’r Blaenoriaethau ar gyfer dyfodol Seilwaith y Rheilffyrdd yng Nghymru
- Mae’r ymgynghoriad hwn wedi dod i ben. Cynhaliwyd yr ymgynghoriad rhwng Dydd Iau, 12 Tachwedd 2015 a Dydd Iau, 14 Ionawr 2016
- Gwybodaeth gefndir i'r ymgynghoriad
- Gweld yr holl ymgynghoriadau presennol
Ymateb i'r ymgynghoriad
Tystiolaeth a gyflwynwyd mewn ymateb i’r Ymgynghoriad
- WRI 01 Railfuture Cymru (Saesneg yn unig) PDF 2 MB
- WRI 02 Cyngor Tref Neston (Saesneg yn unig) PDF 555 KB
- WRI 03 Un o breswylwyr Maerun (Saesneg yn unig) PDF 17 KB Gweld fel HTML (3) 8 KB
- WRI 04 Rail Freight Group (Saesneg yn unig) PDF 97 KB Gweld fel HTML (4) 37 KB
- WRI 05 Greengauge 21 (Saesneg yn unig) PDF 87 KB Gweld fel HTML (5) 31 KB
- WRI 06 Merseytravel (Saesneg yn unig) PDF 221 KB Gweld fel HTML (6) 43 KB
- WRI 07 Fforwm rheilffordd Calon Cymru (Saesneg yn unig) PDF 80 KB Gweld fel HTML (7) 22 KB
- WRI 08 Cymdeithas Defnyddwyr Rheilffordd Wrecsam - Penbedw (Saesneg yn unig) PDF 555 KB
- WRI 09 Ffocws ar drafnidiaeth (Saesneg yn unig) PDF 486 KB
- WRI 10 Great Western Railway (Saesneg yn unig) PDF 111 KB Gweld fel HTML (10) 42 KB
- WRI 11 Cyngor Sir Swydd Gaerloyw (Saesneg yn unig) PDF 57 KB Gweld fel HTML (11) 16 KB
- WRI 12 Grŵp Defnyddwyr Rheilffyrdd Gogledd Sir Gaer (Saesneg yn unig) PDF 130 KB Gweld fel HTML (12) 113 KB
- WRI 12a Grŵp Defnyddwyr Rheilffyrdd Gogledd Sir Gaer - Adendwm (Saesneg yn unig) PDF 52 KB Gweld fel HTML (13) 6 KB
- WRI 13 Cymdeithas Teithwyr Rheilffordd Yr Amwythig Aberystwyth (SARPA) (Saesneg yn unig) PDF 51 KB Gweld fel HTML (14) 17 KB
- WRI 14 Cyngor Gorllewin Sir Gaer a Chaer (Saesneg yn unig) PDF 90 KB Gweld fel HTML (15) 28 KB
- WRI 15 Bwrdd Uchelgais Economaidd Gogledd Cymru PDF 4 MB
- WRI 16 Ffederasiwn Busnesau Bach Cymru (Saesneg yn unig) PDF 328 KB
- WRI 17 DB Shenker Rail (UK) (Saesneg yn unig) PDF 86 KB Gweld fel HTML (18) 33 KB
- WRI 18 CITB Cymru Wales (Saesneg yn unig) PDF 419 KB
- WRI 19 Grŵp Seneddol Hollbleidiol ar gyfer Glannau Mersi Dyfrdwy Gogledd Cymru (Saesneg yn unig) PDF 106 KB Gweld fel HTML (20) 14 KB
- WRI 20 Cyngor Bwrdeistref Sirol Wrecsam (Saesneg yn unig) PDF 3 MB
- WRI 21 Fforwm Trafnidiaeth Rhanbarthol ar gyfer De Orllewin Cymru PDF 147 KB
- WRI 22 Yr Athro Stuart Cole (Saesneg yn unig) PDF 188 KB Gweld fel HTML (23) 139 KB
- WRI 23 Cynghrair Mersi a’r Ddyfrdwy (Saesneg yn unig) PDF 110 KB Gweld fel HTML (24) 14 KB
- WRI 24 Trafnidiaeth Canolbarth Cymru (TraCC) (Saesneg yn unig) PDF 259 KB
- WRI 25 Caer Yr Amwythig Partneriaeth Rheilffordd (Saesneg yn unig) PDF 558 KB
- WRI 26 Rail North and Transport for the North (Saesneg yn unig) PDF 239 KB Gweld fel HTML (27) 36 KB
- WRI 27 Cymdeithas Teithwyr Rheilffyrdd Sir Benfro (Saesneg yn unig) PDF 230 KB
- WRI 28 Yr Adran Drafnidiaeth (Saesneg yn unig) PDF 347 KB
- WRI 29 Cymdeithas Llywodraeth Leol Cymru (Saesneg yn unig) PDF 68 KB Gweld fel HTML (30) 24 KB
- WRI 30 Trenau Arriva Cymru (Saesneg yn unig) PDF 204 KB
- WRI 31 Rail Delivery Group (Saesneg yn unig) PDF 465 KB
- WRI 32 Siambr Fasnach De Cymru (Saesneg yn unig) PDF 893 KB
- WRI 33 Transport Scotland (Saesneg yn unig) PDF 333 KB Gweld fel HTML (34) 64 KB
- WRI 34 Swyddfa Rheilffyrdd a Ffyrdd (Saesneg yn unig) PDF 321 KB
- WRI 35 Network Rail (Saesneg yn unig) PDF 572 KB
- WRI 36 Tata Steel (Saesneg yn unig) PDF 513 KB Gweld fel HTML (37) 50 KB
Diben yr ymgynghoriad
Cynhaliodd y Pwyllgor
Menter a Busnes ymchwiliad i ystyried a yw seilwaith rheilffyrdd Cymru yn
diwallu anghenion teithwyr a busnesau wrth i'r galw gynyddu. Rhwng mis Tachwedd
2015 a mis Ionawr 2016 cynhaliodd y Pwyllgor ymgynghoriad cyhoeddus i gasglu
tystiolaeth
Y Cefndir
Pwerau a datganoli
Yn wahanol i'r
Alban, nid yw cynllunio a darparu seilwaith rheilffyrdd yn faes sydd wedi'i
ddatganoli yng Nghymru. Er bod gan
Lywodraeth Cymru bwerau i ariannu buddsoddiad yn y seilwaith, Llywodraeth y DU
sy'n bennaf gyfrifol am ariannu Network Rail, a datblygiad y rhwydwaith yng
Nghymru. Fodd bynnag, dywedwyd ym Mhapur
Gorchymyn Dydd Gŵyl Dewi Llywodraeth y DU nad oedd unrhyw gonsensws
ar ddatganoli pwerau ym maes seilwaith ac felly nad oes unrhyw gynlluniau i
ddatganoli'r pwerau hyn ar hyn o bryd.
Paratoadau ar gyfer cyfnod rheoli 6 a thu hwnt
Gosodir
blaenoriaethau a chyllid y diwydiant rheilffyrdd mewn "Cyfnodau
Rheoli" pum mlynedd. Mae'r
paratoadau yn cael eu harwain gan y Swyddfa Rheilffyrdd a Ffyrdd (Swyddfa
Rheoleiddio'r Rheilffyrdd gynt) drwy broses adolygu'r cyfnod, sy'n adolygu
allbynnau a chyllid Network Rail ar gyfer pob cyfnod rheoli.
Datblygir
cynigion ar gyfer y seilwaith gan Network Rail i ddechrau. Mae'n nodi
dewisiadau i gyllidwyr sy'n gweithio gyda'r diwydiant rheilffyrdd a chyllidwyr
fel Llywodraeth Cymru. Mae'r diwydiant rheilffyrdd yn defnyddio'r gwaith hwn
wrth baratoi Cynllun Cychwynnol y Diwydiant, ac yn y pendraw mae'n arwain at gyhoeddi
Manyleb Allbwn Lefel Uchel (HLOS) a Datganiad o'r Cyllid sydd Ar Gael (SOFA)
gan yr Ysgrifennydd Gwladol dros Drafnidiaeth. Mae'r paratoadau ar gyfer Cyfnod
Rheoli 6 (2019-2024) ar y gweill.
Gofynnodd y
Pwyllgor am farn y cyhoedd ar faterion sy'n berthnasol i'r seilwaith
rheilffyrdd yng Nghymru er mwyn llywio penderfyniadau ar seilwaith rheilffyrdd
Cymru yng Nghyfnod Rheoli 6 a thu hwnt.
Cylch Gorchwyl a Materion Allweddol
Roedd cwmpas yr ymchwiliad yn cynnwys:
- Effeithiolrwydd gweithredol y seilwaith rheilffyrdd
presennol ar gyfer teithwyr a nwyddau o fewn Cymru a blaenoriaethau ar
gyfer datblygu seilwaith Cymru, yn enwedig yng Nghyfnod Rheoli 6 (2019-24)
a thu hwnt;
- Y berthynas rhwng rhwydweithiau rheilffyrdd Cymru a
Lloegr o ran cynllunio, rheoli, cynnal a chadw/adnewyddu a gwella, a sut y
dylid cydgysylltu'r pethau hyn er budd teithwyr a defnyddwyr sy'n cludo
nwyddau ar ddwy ochr y ffin;
- Effeithiolrwydd y dull presennol o gynllunio
seilwaith rheilffyrdd yng Nghymru, yn ogystal â'r dull presennol o
gyflawni gwaith cynnal a chadw/adnewyddu a gwneud gwelliannau, ac a yw'n
sicrhau'r canlyniadau gorau i deithwyr a defnyddwyr sy'n cludo nwyddau yng
Nghymru.
Gofynnwyd i'r cyhoedd am eu barn ar y pwyntiau a
ganlyn:
- Blaenoriaethau lefel uchel ar gyfer datblygu
seilwaith y rheilffyrdd i ddarparu'r capasiti a'r cysylltedd angenrheidiol
i gefnogi lles cymdeithasol ac economaidd Cymru;
- I ba raddau y mae blaenoriaethau Llywodraeth Cymru o
ran seilwaith rheilffyrdd, gan gynnwys y blaenoriaethau a nodwyd yn y Cynllun
Cyllid Trafnidiaeth Cenedlaethol, ac adroddiad y Tasglu Gweinidogol ar
Drafnidiaeth yng Ngogledd Cymru, yn diwallu anghenion Cymru;
- Sut mae datblygiad seilwaith rheilffyrdd Lloegr, a'r
modd y defnyddir y seilwaith hwnnw, yn effeithio ar Gymru, ac i'r gwrthwyneb;
- Effaith datblygiadau allweddol arfaethedig yn Lloegr
ar Gymru, gan gynnwys rheilffyrdd cyflym, trydaneiddio, Pwerdy'r
Gogledd/Trafnidiaeth ar gyfer y Gogledd a datganoli cyfrifoldeb dros y
rheilffyrdd yn ehangach o fewn Lloegr;
- Beth yw'r ffordd orau i Lywodraeth Cymru ymgysylltu â
datblygiadau seilwaith yn Lloegr, yn ogystal â datblygiadau ym maes
gwasanaethau teithwyr a chludo nwyddau sy'n defnyddio'r rhwydwaith, a
dylanwadu ar y datblygiadau hyn;
- A yw'r broses adolygu gyfnodol yn diwallu anghenion
Cymru ac yn ystyried anghenion teithwyr a defnyddwyr sy'n cludo nwyddau
yng Nghymru, a sut y dylid datblygu hyn;
- Effeithiolrwydd Llwybr Network Rail yng Nghymru ac a
yw'r dull o reoli, cynnal a chadw, adnewyddu a gwella'r rhwydwaith yn effeithiol
wrth sicrhau gwerth am arian, capasiti a chyflymder y gwasanaeth, sicrhau
ei fod yn ddibynadwy ac yn rhedeg yn ddigon aml, a sicrhau y gellir mynd
i'r afael â phroblemau teithio i deithwyr a defnyddwyr sy'n cludo nwyddau
yng Nghymru;
- Y ffaith nad yw cyllid ar gyfer seilwaith rheilffyrdd
Cymru wedi'i ddatganoli. Y manteision, anfanteision, cyfleoedd a risgiau a
allai fod yn gysylltiedig â datganoli.
Datgelu gwybodaeth
Mae rhagor o
fanylion am sut y byddwn yn defnyddio eich gwybodaeth yn http://www.assembly.wales/cy/help/privacy/Pages/help-inquiry-privacy.aspx
Gofynnwn ichi sicrhau eich bod wedi ystyried y manylion hyn yn ofalus cyn
cyflwyno gwybodaeth i’r Pwyllgor.
Manylion cyswllt
Pe hoffech siarad â rhywun am yr ymgynghoriad hwn, defnyddiwch y manylion cyswllt isod:
Y Pwyllgor Menter a Busnes
Cynulliad Cenedlaethol Cymru
Bae Caerdydd
Caerdydd
CF99 1SN
Email: SeneddBusnes@Cynulliad.Cymru
Ffôn: 0300 200 6565