Ymgynghoriad

Ymchwiliad i Gyflog a Thaliadau Uwch Reolwyr

Mae’r Pwyllgor Cyfrifon Cyhoeddus yn cynnal ymchwiliad i gyflog a thaliadau uwch reolwyr ar draws y sector cyhoeddus yng Nghymru. Penderfynodd y Pwyllgor gynnal yr ymchwiliad hwn er mwyn ystyried agweddau ar werth am arian cyflog uwch reolwyr yn y sector cyhoeddus. Nid yw’r Pwyllgor yn bwriadu ystyried cyflogau unigolion, ond yn hytrach sicrhau bod digon o atebolrwydd a thryloywder mewn perthynas â chyflog a thaliadau uwch reolwyr ar draws y sector cyhoeddus.

Fel rhan o’r ymchwiliad hwn bydd y Pwyllgor yn ystyried:

• Y broses o wneud penderfyniadau ynglŷn â phennu cyflogau, yn enwedig a yw hon yn briodol ar gyfer sicrhau gwerth am arian ar draws y sector cyhoeddus;
• Y dull o gytuno ar godiadau cyflog;
• Tryloywder tâl a gwobrwyon/buddion ee pensiynau neu ffioedd swyddogion canlyniadau;
• Ansawdd a lefel y wybodaeth gymharol sy’n bodoli ar gyfer cyflog uwch reolwyr ar draws y sector cyhoeddus; a
• Gwerth sefydlu corff, neu ymestyn trefniadau presennol fel Panel Annibynnol Cymru ar Gydnabyddiaeth Ariannol, sydd â chylch gwaith o fod â throsolwg o gyflog / taliadau ar draws y sector cyhoeddus yng Nghymru.