Ymgynghoriad

Roedd y Pwyllgor Iechyd a Gofal Cymdeithasol Cynulliad Cenedlaethol Cymru yn cynnal ymchwiliad i gamddefnyddio alcohol a sylweddau.

Fel rhan o'r ymchwiliad hwn roedd y Pwyllgor yn ystyried y meysydd canlynol:

• effeithiau camddefnyddio alcohol a sylweddau ar bobl yng Nghymru, gan gynnwys pobl ifanc a myfyrwyr prifysgol; pobl hŷn; pobl ddigartref; a'r bobl yn nalfa'r heddlu neu mewn carchardai;
• effeithiolrwydd polisïau presennol Llywodraeth Cymru ar fynd i'r afael â chamddefnyddio alcohol a sylweddau ac unrhyw gamau pellach y gallai fod eu hangen;
• pa wasanaethau sydd ar gael yn lleol ar draws Cymru i godi ymwybyddiaeth o effaith y niwed sy'n gysylltiedig â chamddefnyddio alcohol a sylweddau a chapasiti'r gwasanaethau hynny.

Cymorth a chefnogaeth

Os yw camddefnyddio alcohol neu sylweddau wedi cael effaith arnoch chi neu ar rywun rydych yn ei adnabod, neu os hoffech ragor o wybodaeth, gallwch gysylltu â DAN 24/7 i gael cyngor. Mae DAN 24/7 yn llinell gymorth gyfrinachol sydd ar gael yn rhad ac am ddim i unrhyw un yng Nghymru sy'n dymuno cael gwybodaeth ychwanegol neu help mewn perthynas â chyffuriau neu alcohol.

Rhadffôn: 0808 808 2234

neu anfonwch neges destun i DAN: 81066

www.dan247.org.uk