Y Pwyllgor Amgylchedd a Chynaliadwyedd: Materion Ewropeaidd

Bu’r Pwyllgor Amgylchedd a Chynaliadwyedd yn dilyn hynt cynigion yr UE a oedd o ddiddordeb i’r Pwyllgor, a cheisio dylanwadu arnynt, drwy ymgynghori ac ymgysylltu â rhanddeiliaid.

Aethpwyd i’r afael ag unrhyw faterion a ddaeth i’r amlwg a oedd yn berthnasol i Gymru drwy gyfathrebu â’r sefydliadau Ewropeaidd a Llywodraeth Cymru.

Gwnaeth y Pwyllgor ystyried:

• Coflenni allweddol yr UE sydd yn rhan o broses ddeddfwriaethol yr UE ar hyn o bryd ac sydd o ddiddordeb i'r Pwyllgor Amgylchedd a Chynaliadwyedd;
• Meysydd gwaith newydd a nodir gan Raglen Waith 2015 y Comisiwn Ewropeaidd ac sydd o ddiddordeb i'r Pwyllgor;
• Coflenni deddfwriaethol allweddol y cytunwyd arnynt yn barod ar lefel yr Undeb Ewropeaidd sydd bellach yn y cam gweithredu cenedlaethol, ac sydd o ddiddordeb i'r Pwyllgor.

Er bod gan yr ymchwiliadau a restrir isod gysylltiadau amlwg â chynigion yr UE, roedd llawer o waith y Pwyllgor (ar gael drwy hafan y Pwyllgor) yn cynnwys materion ynghylch yr UE:

• Cynigion arfaethedig i wahardd pysgodfeydd rhwydi drifft
• Cynhyrchu organig a labelu cynhyrchion organig
• Grŵp Gorchwyl a Gorffen ar y Polisi Amaethyddol Cyffredin
• Grŵp Gorchwyl a Gorffen ar y Polisi Pysgodfeydd Cyffredin