Rheoli perygl llifogydd ac erydu arfordirol yng Nghymru

Cyhoeddodd Llywodraeth Cymru ei Strategaeth Genedlaethol ar gyfer Rheoli Perygl Llifogydd ac Erydu Arfordirol yn 2011 ac mae pedwar Cynllun Rheoli Traethlin yn rhoi gwell cipolwg i beryglon llifogydd ac erydu arfordirol gyda dulliau a awgrymir i reoli’r peryglon.

Mae’r adroddiad a gyhoeddwyd gan yr Archwilydd Cyffredinol ar 21 Gorffennaf 2016 yn ystyried y cynnydd a wnaed gan Lywodraeth Cymru a’i phartneriaid ar reoli perygl llifogydd ac erydu arfordirol.

Ystyriodd y Pwyllgor Cyfrifon Cyhoeddus adroddiad yr Archwilydd Cyffredinol, a chynhaliodd ymchwiliad byr ar ddiwedd tymor yr hydref 2016.

Cytunodd y Pwyllgor i gyhoeddi’r adroddiad hwn ar ôl yr etholiadau Llywodraeth Leol ar 4 Mai 2017. Gan fod llawer o’r materion yn berthnasol i Awdurdodau Lleol, roeddem yn awyddus i roi cyfle llawn i’r Awdurdodau newydd ystyried ein hargymhellion. Yn dilyn y cyhoeddiad ar 18 Ebrill 2017 y byddai Etholiad Cyffredinol y DU yn cael ei gynnal ar 8 Mehefin 2017, cytunodd y Pwyllgor i ohirio’r dyddiad cyhoeddi tan ar ôl yr etholiad hwn.