Gwasanaethau Orthopedig

Nododd y Pwyllgor blaenorol Adolygiad Archwilydd Cyffredinol Cymru i Wasanaethau Orthopedig, a gyhoeddwyd ym mis Mehefin 2015.

Ymchwiliodd yr adolygiad ffyrdd cenedlaethol a lleol o ymdopi â’r galw am wasanaethau orthopedig ac asesodd hefyd i ba raddau y datblygwyd modelau cynaliadwy ar gyfer darparu gwasanaethau i helpu i ddiwallu galw yn y dyfodol. Mae’r adroddiad yn dod i’r casgliad bod gwasanaethau orthopedig wedi dod yn fwy effeithlon dros y degawd diwethaf. Fodd bynnag, mae hefyd yn nodi nad yw GIG Cymru mewn sefyllfa dda i ddiwallu galw yn y dyfodol oherwydd, er canolbwyntiwyd ar sicrhau gostyngiadau uniongyrchol mewn amseroedd aros, rhoddwyd llai o sylw i ddatblygu atebion hirdymor mwy cynaliadwy i ddiwallu’r galw.

Trafododd y Pwyllgor y canlyniadau hyn gyda Llywodraeth Cymru ym mis Ionawr 2017. Derbyniodd y Pwyllgor y wybodaeth ddiweddaraf gan Lywodraeth Cymru yn ystod tymor yr hydref 2017 a chafwyd diweddariadau monitro cyson yn ystod tymhorau’r gwanwyn a’r haf 2018.