Rheoli meddyginiaethau

Inquiry5

Adolygodd Archwilydd Cyffredinol Cymru ragnodi ym maes gofal sylfaenol ym mhob bwrdd iechyd ar ddiwedd 2013 ac yn 2014. Roedd y gwaith yn ystyried materion fel y gwaith cynllunio strategol o ran rhagnodi, cyflawni blaenoriaethau rhagnodi cenedlaethol a'r cyfleoedd ar gyfer sicrhau gwelliannau o ran cost ac ansawdd. Ym mis Awst 2015, asesodd archwilwyr y cynnydd a wnaed gan fyrddau iechyd yn gweithredu'r argymhellion archwilio.

Yn ystod 2015, adroddodd archwilwyr hefyd ar ganfyddiadau o waith lleol a oedd yn archwilio digonolrwydd cyfleusterau fferyllol mewn ysbytai, lefelau staffio fferyllfeydd ac effeithiolrwydd ystod o brosesau sy'n ymwneud â'r defnydd o feddyginiaethau mewn ysbytai.

Mae'r adroddiad, a gyhoeddwyd ym mis Rhagfyr 2016, hwn yn dwyn ynghyd y negeseuon allweddol o holl waith lleol yr Archwilydd Cyffredinol ar reoli meddyginiaethau. Caiff nifer o argymhellion eu gwneud ac maent wedi'u cynllunio i helpu i gryfhau trefniadau rheoli meddyginiaethau yn GIG Cymru, a chefnogi nodau rhagnodi call ehangach.

Ystyriodd y Pwyllgor y canfyddiadau yn yr adroddiad, a chynhaliwyd ymchwiliad a lluniwyd adroddiad ym mis Mawrth 2018. Mae’r Pwyllgor wedi monitro gweithrediad yr argymhellion yn ei adroddiad yn rheolaidd ac wedi derbyn diweddariadau rheolaidd gan Lywodraeth Cymru ac roedd yr un terfynol ym mis Tachwedd 2020.

Ymweliadau