Trosolwg Llywodraeth Cymru o gyllid a darpariaeth colegau addysg bellach

Er bod adroddiad (PDF 2MB) Archwilydd Cyffredinol Cymru yn nodi bod trefniadau Llywodraeth Cymru ar gyfer dyrannu arian a goruchwylio cyllid a pherfformiad y sector yn gadarn yn gyffredinol, daw i’r casgliad y byddai’n fuddiol mabwysiadu dull mwy integredig a hirdymor o weithredu. Mae’n tynnu sylw at rai o’r prif broblemau sy’n wynebu’r sector addysg bellach o ganlyniad i’r newidiadau yn y galw am ei wasanaethau, y cyfyngiadau ariannol sy’n parhau a’r polisi addysg ôl-16 ehangach. Fel ymateb, mae’r adroddiad yn gwneud nifer o argymhellion, gan gynnwys: 

• dylai Llywodraeth Cymru fynnu bod colegau’n paratoi cynlluniau ariannol tymor canolig, gan gynnwys rhagolygon ariannol mwy hirdymor;
• dylai Llywodraeth Cymru ddatblygu system sy’n cyd-fynd yn agosach â’r galw tebygol am addysg bellach ym mhob ardal; ac
• mae angen i Lywodraeth Cymru werthuso effaith y cyfyngiadau cyllido ar ddysgwyr wrth wneud penderfyniadau yn y dyfodol am bolisi ac ariannu.

Trafododd y Pwyllgor Cyfrifon Cyhoeddus y canlyniadau yn yr Adroddiad, a gyhoeddwyd ym mis Chwefror 2017.