P-05-772 Na i Gylch Haearn arfaethedig Castell y Fflint
P-05-772 Na i Gylch Haearn arfaethedig Castell y Fflint
Cyflwynwyd y ddeiseb hon gan Gerwyn David Evans, ar ôl
casglu 11,091 o lofnodion ar-lein.
Geiriad
y ddeiseb:
Rydym
ni, sydd wedi llofnodi isod, yn galw ar Gynulliad Cenedlaethol Cymru i annog
Llywodraeth Cymru i wrthod y cynlluniau arfaethedig o adeiladu Cylch Haearn y
tu allan i Gastell y Fflint gan ein bod yn ymwybodol iawn o arwyddocâd
hanesyddol Edward I a’i Gylch Haearn, a ddefnyddiwyd i ddarostwng a llethu ein
pobl.
Rydym
o’r farn bod hyn yn arbennig o amharchus i bobl Cymru a’n hynafiaid sydd wedi
brwydro yn erbyn gorthrymder, darostyngiad ac anghyfiawnder am gannoedd o
flynyddoedd.
Gofynnwn
ichi ailfeddwl y penderfyniad i adeiladu’r heneb hon a defnyddio’r arian ar
gyfer rhywbeth arall.
Statws
Yn ei gyfarfod ar 09/01/2018 penderfynodd y Pwyllgor
Deisebau fod y ddeiseb hon wedi'i chwblhau. Trafododd yr Aelodau ohebiaeth gan
Ysgrifennydd y Cabinet dros yr Economi a Thrafnidiaeth a chytunodd i gau'r
ddeiseb yng ngoleuni'r cadarnhad a gafwyd na fydd gwaith celf y cylch haearn yn
mynd yn ei flaen. Wrth wneud hynny,
roedd yr Aelodau'n dymuno llongyfarch y deisebwyr am lwyddiant yr ymgyrch.
Cafodd ei thrafod gyntaf gan y Pwyllgor Deisebau ar 19/09/2017.
Etholaeth a Rhanbarth y Cynulliad
- Rhondda
- Canol De Cymru
Rhagor
o wybodaeth
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 13/09/2017