Sut y mae Llywodraeth Cymru yn paratoi ar gyfer Brexit?
Sut y mae Llywodraeth Cymru yn paratoi ar gyfer Brexit?
Cefndir
Cytunodd y Pwyllgor Materion Allanol
a Deddfwriaeth Ychwanegol i ystyried sut y mae’r
sector cyhoeddus a busnesau yng Nghymru yn paratoi at Brexit. Mewn nifer o
ymchwiliadau blaenorol y Pwyllgor, holwyd ynghylch parodrwydd y sectorau
cyhoeddus a phreifat yng Nghymru ac a fyddent yn gallu gwrthsefyll yr
effeithiau posibl.
Cylch gorchwyl
Diben yr ymchwiliad oedd
archwilio:
- ymateb gweinyddol ac ariannol mewnol Llywodraeth Cymru i Brexit; a
- Sut y mae Llywodraeth Cymru yn cynorthwyo gwasanaethau cyhoeddus,
addysg uwch, y trydydd sector a'r sectorau economaidd i baratoi ar gyfer
gadael yr Undeb Ewropeaidd.
Casglu
tystiolaeth
Fel rhan o’r
ymchwiliad, lansiodd y Pwyllgor ymgynghoriad
a chynnal nifer o sesiynau
tystiolaeth i lywio gwaith y Pwyllgor.
Ar 6 Tachwedd 2017, bu aelodau’r Pwyllgor yn ymweld â
rhanddeiliaid yn Abertawe, Llanelli a Chaerllion. Roedd hyn er mwyn edrych sut
mae’r sector cyhoeddus a busnesau yng Nghymru yn paratoi ar gyfer ymadael â’r
Undeb Ewropeaidd. Darllenwch yr adroddiadau am yr ymweliadau ag Abertawe a Llanelli (PDF, 259KB) a’r ymweliad â Chaerllion (PDF, 64KB).
Adroddiad
Cyhieddodd y Pwyllgor ei adroddiad ‘Sut y mae Llywodraeth
Cymru yn paratoi ar gyfer Brexit?’ ym
mis Chwefror 2018.
Ar
ddiwrnod cyhoeddi’r adroddiad, dywedodd David Rees AC, Cadeirydd y Pwyllgor:
“Mae sectorau a sefydliadau yn
chwilio am arweiniad gan Lywodraeth Cymru ac mae’n hanfodol y gallant ddechrau
gwneud eu cynlluniau eu hunain am fywyd y tu allan i’r UE.
“Rydym yn galw ar Lywodraeth Cymru i
roi arweiniad cadarnach i’r sectorau hyn er mwyn sicrhau ein bod i gyd yn
cychwyn ar yr un llwybr pan fyddwn yn gadael ar ddiwedd y trafodaethau.”
Ymateb i’r adroddiad
Gosododd Llywodraeth Cymru ei hymateb i’r adroddiad ar 12 Ebrill 2018. Trafodwyd yr adroddiad ac ymateb Llywodraeth
Cymru iddo yn y Cyfarfod Llawn ar 18
Ebrill 2018. Gallwch wylio’r drafodaeth ar Senedd.TV.
Gwaith
dilynol
Yn ei gyfarfod ar 16
Gorffennaf 2018, cytunodd y Pwyllgor i wneud rhagor o waith dilynol ar agweddau ar barodrwydd Cymru at Brexit yn nhymor yr hydref.
Ers hynny, mae’r Pwyllgor wedi gwneud gwaith ar y cyd gyda Swyddfa Archwilio Cymru ar barodrwydd at Brexit ac wedi parhau i
graffu ar barodrwydd sectorau allweddol.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 26/09/2017
Dogfennau
- Ymateb Llywodraeth Cymru i’r Argymhellion yn Adroddiad y Pwyllgor Materion Allanol a Deddfwriaeth Ychwanegol: Sut mae Llywodraeth Cymru yn paratoi ar gyfer Brexit? – 12 Ebrill 2018
- Sut y mae Llywodraeth Cymru yn paratoi ar gyfer Brexit?’ - Chwefror 2018
- Gohebiaeth gan y Cadeirydd at Mark Drakeford AC, Ysgrifennydd y Cabinet dros Gyllid ynghylch ymchwiliad i wydnwch a pharodrwydd - 29 Tachwedd 2017 PDF 162 KB
- Gohebiaeth gan y Cadeirydd at Mark Drakeford AC, Ysgrifennydd y Cabinet dros Gyllid ynghylch Fframweithiau polisi cyffredin y DU: ymarferion "adolygu manwl" - 21 Tachwedd 2017 PDF 40 KB
- Crynodeb o’r digwyddiadau i randdeiliaid yn Abertawe a Llanelli - 6 Tachwedd 2017 [Saesneg yn unig] PDF 259 KB
- Crynodeb o’r digwyddiad i randdeiliaid yng Nghaerllion - 6 Tachwedd 2017 [Saesneg yn unig] PDF 64 KB
Ymgynghoriadau