P-05-807 Dylid adolygu a newid y canllawiau o ran gwobrau am bresenoldeb mewn ysgolion yng Nghymru
P-05-807 Dylid adolygu a newid y canllawiau o ran gwobrau am bresenoldeb mewn ysgolion yng Nghymru
P-05-807 Dylid adolygu a newid y
canllawiau o ran gwobrau am bresenoldeb mewn ysgolion yng Nghymru
Cyflwynwyd y ddeiseb hon gan Laura Charles-Price, ar ôl
casglu 123 o lofnodion ar-lein.
Geiriad
y ddeiseb
Rydym yn galw ar Gynulliad Cenedlaethol Cymru i annog
Llywodraeth Cymru i adolygu unrhyw ganllawiau y mae’n eu rhoi o ran gwobrau am
bresenoldeb mewn ysgolion yng Nghymru.
Mae llawer o blant ledled Cymru yn dioddef o salwch
cronig sy'n effeithio ar eu presenoldeb yr ysgol. Gall plentyn golli ysgol
oherwydd y salwch ei hun neu oherwydd apwyntiadau ysbyty y mae'n rhaid iddo
fynd iddynt mewn cysylltiad â'r salwch.
Caiff gwobrau am bresenoldeb, y mae llawer o'r plant hyn
yn colli cyfle i'w hennill, eu cyflwyno gan ysgolion bob blwyddyn. Mae hyn yn
annheg, ac mae hefyd yn gwahaniaethu yn erbyn y plant hyn.
Hoffwn gynnig bod Llywodraeth Cymru naill ai'n cyflwyno ystyriaethau ar gyfer y
plant hyn, neu'n cynghori awdurdodau lleol ac ysgolion na ddylid rhoi gwobrau
am bresenoldeb.
Statws
Yn ei gyfarfod ar 04/02/2020
penderfynodd y Pwyllgor Deisebau fod y ddeiseb hon wedi'i chwblhau.
Ystyriodd y
Pwyllgor ragor o ohebiaeth, a chytunodd i gau’r ddeiseb yng ngoleuni’r ffaith
bod Llywodraeth Cymru ar hyn o bryd yn adolygu ei chanllawiau ar bresenoldeb
mewn ysgolion ac mae’n bwriadu cynnal ymgynghoriad cyhoeddus yn y dyfodol, a’r
ymrwymiad a wnaed gan y Gweinidog Addysg bod cyflwyno’r posibilrwydd o gofnodi
absenoldebau fel rhai sy’n gysylltiedig â chyflwr iechyd cronig yn cael ei
ystyried fel rhan o’r gwaith hwnnw.
Gellir gweld
manylion llawn ynghylch trafodaeth y pwyllgor o'r ddeiseb hon a'r dogfennau
cysylltiedig ar y tab Cyfarfodydd uchod.
Cafodd ei
hystyried gyntaf gan y Pwyllgor Deisebau ar 17/04/2018.
Etholaeth a Rhanbarth y Cynulliad
- Gŵyr
- Gorllewin De Cymru
Rhagor
o wybodaeth
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 09/04/2018