Paratoi ar gyfer Brexit - edrych ar sectorau allweddol
Paratoi ar gyfer Brexit - edrych ar sectorau allweddol
Elfen allweddol o waith y Pwyllgor Materion
Allanol a Deddfwriaeth Ychwanegol oedd ymchwilio i ba mor barod yw Cymru, ac yn
benodol Llywodraeth Cymru, ar gyfer Brexit.
Roedd gwaith blaenorol y Pwyllgor yn cynnwys
agweddau ar barodrwydd ar gyfer Brexit yn cynnwys:
- Goblygiadau Brexit i borthladdoedd Cymru
- Sut y mae Llywodraeth Cymru yn paratoi ar gyfer Brexit?; a
- Perthynas Cymru ag Ewrop yn y dyfodol.
Yn ystod haf 2018 cytunodd y Pwyllgor i wneud
rhagor o waith ar barodrwydd ar gyfer Brexit i adeiladu ar ganfyddiadau,
casgliadau ac argymhellion ei waith cynharach. Cytunodd y Pwyllgor i
ganolbwyntio ar dri sector allweddol - porthladdoedd; gofal iechyd a
meddyginiaethau; a bwyd.
Fel rhan o’r
gwaith hwn, ysgrifennodd y Pwyllgor at randdeiliaid blaenorol ym meysydd
porthladdoedd, meddyginiaethau a gofal iechyd, a bwyd, dros yr haf cyn
penderfynu ar ei gamau nesaf. Gellir gweld yr ymatebion isod.
Cynhaliodd y
Pwyllgor sesiwn
dystiolaeth bellach gyda sectorau allweddol ar eu paratoadau ar gyfer
Brexit ddydd Llun 8 Hydref 2018.
Paratoi ar
gyfer Brexit - adroddiad dilynol ar ba mor barod yw porthladdoedd Cymru
Cyhoeddodd y
Pwyllgor ei adroddiad ar ba mor barod yw porthladdoedd Cymru ar 26 Tachwedd
2018. Darllenwch yr adroddiad
llawn.
Wrth gyhoeddi'r
adroddiad, dywedodd David Rees AC, Cadeirydd y Pwyllgor:
"Gyda llai
na phum mis i fynd nes i'r DU adael yr Undeb Ewropeaidd, aethom ati i weld pa
mor barod yw'r sector porthladdoedd, a'r hyn a ddarganfuwyd yw bod angen newid
sylweddol yng ngweithgarwch Llywodraeth Cymru i gefnogi'r sector i baratoi ar
gyfer Brexit. Mae ein hadroddiad yn gosod y materion ac yn gwneud cyfanswm o
saith argymhelliad i Lywodraeth Cymru ar y camau y credwn fod angen eu cymryd
wrth inni symud tuag at adael yr UE ym mis Mawrth 2019."
YouTube-Here https://www.youtube.com/embed/HwDKd6LEsyg
Gosododd
Llywodraeth Cymru ei ymateb
i’r adroddiad ar 22 Ionawr 2019. Cafwyd dadl ar yr adroddiad ac ymateb y
Llywodraeth yn y Cyfarfod
Llawn ar 29 Ionawr 2019.
Paratoi ar
gyfer Brexit - Adroddiad ar ba mor barod yw'r sector gofal iechyd a
meddyginiaethau yng Nghymru
Cyhoeddodd y
Pwyllgor ei adroddiad ar ba mor barod yw'r sector gofal iechyd a
meddyginiaethau yng Nghymru ar 3 Rhagfyr 2018. Darllenwch yr adroddiad
llawn.
Wrth gyhoeddi'r
adroddiad, dywedodd David Rees AC, Cadeirydd y Pwyllgor:
"Mae'n
hanfodol bod Llywodraeth Cymru yn cynyddu ei hymdrechion i baratoi'r gwasanaeth
iechyd yng Nghymru ar gyfer Brexit. Mae hyn yn cynnwys rhoi'r sicrwydd sydd ei
angen arnom fod cynlluniau ar droed i gyfathrebu â phob lefel o'r sectorau
iechyd a gofal cymdeithasol yng Nghymru."
YouTube-Here https://www.youtube.com/embed/V_Cf4TanAzU
Gosododd
Llywodraeth Cymru ei ymateb
i’r adroddiad ar 22 Ionawr 2019. Cafwyd dadl ar yr adroddiad ac ymateb y
Llywodraeth yn y Cyfarfod
Llawn ar 29 Ionawr 2019.
Paratoi ar
gyfer Brexit - Adroddiad ar ba mor barod yw'r sector bwyd a diod yng Nghymru
Cyhoeddodd y
Pwyllgor ei adroddiad ar ba mor barod yw’r sector bwyd a diod yng Nghymru ar 10
Rhagfyr 2018. Darllenwch yr adroddiad
llawn.
Wrth gyhoeddi'r
adroddiad, dywedodd David Rees AC, Cadeirydd y Pwyllgor:
"Mae'r
sector bwyd a diod yng Nghymru yn hollbwysig i'n heconomi, o ran yr incwm a
gynhyrchir a'r swyddi a gaiff eu cynnal gan y sector. Rydym yn bryderus iawn
ynghylch y goblygiadau posibl i Gymru o golli mynediad i'r farchnad o ran ein
cynhyrchwyr bwyd a diod, yn enwedig ffermwyr yn y diwydiant cig coch, sy'n
ddibynnol ar allforion i'r UE am swm sylweddol o'u hincwm allforio. Clywsom,
hefyd, er bod ymdrechion ar waith i ehangu i farchnadoedd newydd a rhai sy'n
dod i'r amlwg, bydd ffactorau megis cyfnod silff byr a thymhorol cynhyrchion
bwyd fel cig eidion a chig oen yn golygu na fydd y marchnadoedd newydd hyn yn
dwyn ffrwyth am flynyddoedd i ddod."
YouTube-Here https://www.youtube.com/embed/L4unagO5NFM
Gosododd
Llywodraeth Cymru ei ymateb
i’r adroddiad ar 22 Ionawr 2019. Cafwyd dadl ar yr adroddiad ac ymateb y
Llywodraeth yn y Cyfarfod
Llawn ar 29 Ionawr 2019.
Ers hynny,
gwnaeth y Pwyllgor waith
ar y cyd gyda Swyddfa Archwilio Cymru ar barodrwydd at Brexit a pharhaodd i
graffu ar barodrwydd sectorau
allweddol.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 22/11/2018
Dogfennau
- Ymatebion y Llywodraeth i adroddiadau’r Pwyllgor
- Paratoi ar gyfer Brexit: Adroddiad dilynol ar barodrwydd porthladdoedd Cymru - Tachwedd 2018
- Ymateb Ysgrifenedig gan Lywodraeth Cymru i adroddiad y Pwyllgor Materion Allanol sy'n dwyn y teitl Paratoi ar gyfer Brexit: Adroddiad dilynol ar barodrwydd Porthladdoedd Cymru - 22 Ionawr 2019
- Paratoi ar gyfer Brexit: Adrodd ar barodrwydd y sector gofal iechyd a meddyginiaethau yng Nghymru - Tachwedd 2018
- Ymateb Ysgrifenedig gan y Gweinidog Iechyd a Gwasanaethau Cymdeithasol i adroddiad y Pwyllgor Materion Allanol a Deddfwriaeth Ychwanegol: Paratoi ar gyfer Brexit – Adroddiad ar barodrwydd y sector gofal iechyd a meddyginiaethau yng Nghymru - 22 Ionawr 2019
- Paratoi ar gyfer Brexit: Adrodd ar barodrwydd y sector bwyd a diod yng Nghymru - Rhagfyr 2018
- Ymateb ysgrifenedig gan Lywodraeth Cymru i adroddiad y Pwyllgor Materion Allanol a Deddfwriaeth Ychwanegol o’r teitl ‘Paratoi ar gyfer Brexit; Adroddiad ar barodrwydd y sector bwyd a diod yng Nghymru’ - 22 Ionawr 2019
- Tystiolaeth ysgrifenedig
- Tystiolaeth ysgrifenedig - Grŵp Porthladdoedd Cymru [Saesneg yn unig] PDF 131 KB
- Tystiolaeth ysgrifenedig - Maes Awyr Caerdydd [Saesneg yn unig] PDF 920 KB
- Tystiolaeth ysgrifenedig - Dr Andrew Potter a Athro Anthony Beresford, Prifysgol Caerdydd [Saesneg yn unig] PDF 172 KB
- Tystiolaeth ysgrifenedig - Cymdeithas Cludiant Ffyrdd [Saesneg yn unig] PDF 194 KB
- Tystiolaeth ysgrifenedig - Cymdeithas Cludo Nwyddau [Saesneg yn unig] PDF 357 KB
- Tystiolaeth ychwanegol - Cymdeithas Cludo Nwyddau [Saesneg yn unig] PDF 343 KB
- Tystiolaeth ysgrifenedig - Hybu Cig Cymru PDF 134 KB
- Tystiolaeth ysgrifenedig - BMA Cymru PDF 548 KB
- Tystiolaeth ychwanegol - BMA Cymru PDF 384 KB
- Tystiolaeth ysgrifenedig - Porthladd Aberdaugleddau [Saesneg yn unig] PDF 220 KB
- Tystiolaeth ysgrifenedig - Grŵp Cludo Nwyddau ar y Rheilffyrdd [Saesneg yn unig] PDF 137 KB
- Tystiolaeth ysgrifenedig - Cynghrair Twristiaeth Cymru [Saesneg yn unig] PDF 160 KB
- Tystiolaeth ysgrifenedig - Conffederasiwn GIG Cymru [Saesneg yn unig] PDF 242 KB
- Tystiolaeth ychwanegol - Conffederasiwn GIG Cymru [Saesneg yn unig] PDF 1 MB
- Tystiolaeth ysgrifenedig - Coleg Nyrsio Brenhinol Cymru [Saesneg yn unig] PDF 223 KB
- Tystiolaeth ychwanegol - Coleg Nyrsio Brenhinol Cymru [Saesneg yn unig] PDF 768 KB
- Tystiolaeth ysgrifenedig - Cymdeithas Diwydiant Fferyllol Prydain [Saesneg yn unig] PDF 1 MB
- Gohebiaeth
- Gohebiaeth gan Brif Weinidog Cymru ynghylch y wybodaeth ddiweddaraf am y cynnydd a wnaed o ran yr argymhellion a geir yn yr adroddiad: 'Sut y mae Llywodraeth Cymru yn paratoi ar gyfer Brexit?' – 2 Tachwedd 2018 PDF 375 KB
- Gohebiaeth gan Brif Weinidog Cymru ynghylch y wybodaeth ddiweddaraf am y cynnydd a wnaed o ran yr argymhellion a geir yn yr adroddiad: 'Sut y mae Llywodraeth Cymru yn paratoi ar gyfer Brexit?' – 10 Medi 2018 PDF 599 KB
- Gohebiaeth at y Prif Weinidog Cymru ynghylch y wybodaeth ddiweddaraf am y cynnydd a wnaed o ran yr argymhellion a geir yn yr adroddiad: 'Sut y mae Llywodraeth Cymru yn paratoi ar gyfer Brexit?' – 19 Gorffennaf 2018 PDF 156 KB