Y Cefndir

Elfen allweddol o waith Y Pwyllgor Materion Allanol a Deddfwriaeth Ychwanegol oedd edrych ar fater Parodrwydd ar gyfer Brexit. Mae’r gwaith hwn eisoes wedi cwmpasu:

• ystyried sut y mae Llywodraeth Cymru yn paratoi gwasanaethau cyhoeddus yng Nghymru ar gyfer Brexit;
• archwilio goblygiadau Brexit i borthladdoedd Cymru, gan gynnwys gwaith dilynol pellach yn ystod hydref 2018;
• edrych ar y modd y bydd Brexit yn effeithio ar sectorau allweddol fel iechyd a meddyginiaethau, a bwyd a diod.

Mae'r Pwyllgor wedi ymgymryd â gwaith dilynol ar y parodrwydd ar gyfer Brexit.

Casglu tystiolaeth

Clywodd y Pwyllgor dystiolaeth gan Gymdeithas Llywodraeth Leol Cymru, Prifysgolion Cymru a Chonffederasiwn GIG Cymru yn ystod ei gyfarfod ar 20 Mai 2019, a chan Ffederasiwn Busnesau Bach Cymru yn ystod ei gyfarfod ar 3 Mehefin 2019. Cafodd y Pwyllgor dystiolaeth ysgrifenedig gan Gyngres Undebau Llafur Cymru (PDF, 111KB), a Bwyd a Diod Cymru (PDF, 120KB).

Yn dilyn y sesiynau, ac ar ôl cael tystiolaeth ysgrifenedig, ar 19 Mehefin 2019, ysgrifennodd (PDF, 194KB) y Cadeirydd at y Cwnsler Cyffredinol a’r Gweinidog Brexit ynglŷn â’r parodrwydd ar gyfer Brexit yng Nghymru. Ymatebodd (PDF,302KB) y Cwnsler Cyffredinol a'r Gweinidog Brexit ar 18 Gorffennaf 2019.

Ar 4 Tachwedd 2019 cynhaliodd y Pwyllgor sesiynau tystiolaeth â chynrychiolwyr o’r sectorau porthladdoedd, trafnidiaeth, bwyd a ffermio. Ar 11 Tachwedd 2019, cynhaliodd y Pwyllgor sesiwn dystiolaeth â chynrychiolwyr o’r sector gwasanaethau cyhoeddus.