Cydsyniad Deddfwriaethol: Bil Cyfiawnder Troseddol

Cafodd y Fil Cyfiawnder Troseddol (y Bil) ei gyflwyno yn Nhŷ’r Cyffredin ar 8 Tachwedd 2023.

Mae enw hir y Bil yn nodi ei fod yn Fil i ddiwygio'r gyfraith droseddol; i wneud darpariaeth ynghylch cyfiawnder troseddol (gan gynnwys pwerau a dyletswyddau'r heddlu) ac ynghylch ymdrin â throseddwyr; i wneud darpariaeth ynghylch atafaelu a defnyddio arian mewn cyfrifon wedi'u gohirio; i wneud darpariaeth arall ynghylch atal a chanfod trosedd ac anhrefn; i wneud darpariaeth am gardota, cysgu ar y stryd ac ymddygiad gwrthgymdeithasol; i wneud darpariaeth am yr heddlu; ac at ddibenion cysylltiedig.

Mae’r Bil yn ddarostyngedig i’r broses cydsyniad deddfwriaethol o dan Reol Sefydlog 29. Dyma pan fo Llywodraeth y DU yn ceisio cydsyniad Senedd Cymru i ddeddfu ar fater sy’n dod o fewn cymhwysedd y Senedd.

Memorandwm Cydsyniad Deddfwriaethol Atodol – Ebrill 2024

Gosododd Llywodraeth Cymru Femorandwm Cydsyniad Deddfwriaethol Atodol (PDF 212KB) ar y Bil gerbron y Senedd ar 2 Ebrill 2024.

Mae'r Pwyllgor Busnes wedi cyfeirio'r Memorandwm Cydsyniad Deddfwriaethol Atodol at y Pwyllgor Deddfwriaeth, Cyfiawnder a’r Cyfansoddiad, a bydd angen cyflwyno adroddiad arno erbyn 7 Mehefin 2024 (PDF 38KB).

Memorandwm Cydsyniad Deddfwriaethol – Ionawr 2024

Ar 29 Ionawr 2024, gosododd Llywodraeth Cymru Memorandwm Cydsyniad Deddfwriaethol (PDF 268KB).

Mae'r Pwyllgor Busnes wedi cyfeirio'r Memorandwm at y Pwyllgor Deddfwriaeth, Cyfiawnder a’r Cyfansoddiad, a bydd angen cyflwyno adroddiad arno erbyn  22 Mawrth 2024 (PDF 27KB).

Cyhoeddodd y Pwyllgor Deddfwriaeth, Cyfiawnder a’r Cyfansoddiad ei adroddiad (PDF 222KB) ar 21 Mawrth 2024.