Manylion y penderfyniad
Debate on the Health and Social Care Committee’s Report on The work of Healthcare Inspectorate Wales
Y sawl sy'n gwneud penderfyniad: Y Cyfarfod Llawn - Y Pedwerydd Cynulliad, Y Pwyllgor Iechyd a Gofal Cymdeithasol - Y Pedwerydd Cynulliad
Statws: Wedi’i gwblhau
Is AllweddolPenderfyniad?: Yes
Diben:
Bu Pwyllgor
Iechyd a Gofal Cymdeithasol Cynulliad Cenedlaethol Cymru yn cynnal
ymchwiliad byr i waith Arolygiaeth Gofal Iechyd Cymru yn ystod tymhorau’r
hydref-gaeaf 2013-14.
Cylch gorchwyl yr ymchwiliad oedd i ganolbwyntio ar:
- Pa mor effeithiol yw Arolygiaeth Gofal Iechyd Cymru wrth gyflawni ei
phrif swyddogaethau a chyfrifoldebau statudol.
- Swyddogaethau ymchwilio ac archwilio Arolygiaeth Gofal Iechyd Cymru,
yn benodol ei chyfrifoldebau o ran sicrhau bod gan gleifion fynediad i
wasanaethau diogel ac effeithiol, a pha mor ymatebol ydyw i achosion o
bryder difrifol a methiannau systematig.
- Datblygiad ac atebolrwydd cyffredinol Arolygiaeth Gofal Iechyd Cymru,
gan gynnwys a yw’r sefydliad yn addas i’r diben.
- Pa mor effeithiol yw perthnasau gwaith, gan ganolbwyntio ar gydweithio
a rhannu gwybodaeth rhwng Arolygiaeth Gofal Iechyd Cymru, rhanddeiliaid
allweddol a chyrff adolygu eraill.
- Ystyried rôl Arolygiaeth Gofal Iechyd Cymru o ran cryfhau llais
cleifion a’r cyhoedd yn y ffordd y caiff gwasanaethau iechyd eu hadolygu.
- Trefniadau diogelu, yn benodol trin chwythu’r chwiban a gwybodaeth am
gwynion.
Tystiolaeth gan y Cyhoedd
Cynhaliodd y Pwyllgor ymgynghoriad cyhoeddus i gasglu
tystiolaeth am y testun yma.
Adroddiad y Pwyllgor
Cyflwynodd y
Pwyllgor adroddiad (PDF, 790KB) ym mis Mawrth 2014. Ymatebodd
Llywodraeth Cymru (PDF, 222KB) ym mis Mai 2014.
Dadl yn y Cyfarfod Llawn
Cynhaliwyd y
ddadl yn y Cyfarfod Llawn ar adroddiad y Pwyllgor ar waith Arolygiaeth Gofal Iechyd Cymru ar 4
Mehefin 2014.
Penderfyniad:
Dechreuodd
yr eitem am 15.55
NDM5519 David Rees (Aberafan)
Cynnig bod Cynulliad Cenedlaethol Cymru:
Yn nodi adroddiad y Pwyllgor Iechyd a Gofal Cymdeithasol ar waith
Arolygiaeth Gofal Iechyd Cymru, a osodwyd yn y Swyddfa Gyflwyno ar 21 Mawrth
2014.
Derbyniwyd y cynnig yn unol â Rheol Sefydlog 12.36.
Dyddiad cyhoeddi: 05/06/2014
Dyddiad y penderfyniad: 04/06/2014
Penderfynwyd yn y Cyfarfod: 04/06/2014 - Y Cyfarfod Llawn - Y Pedwerydd Cynulliad