Agenda a Chofnodion

Gweld trawsgrifiad o'r cyfarfod.

1.1 Bu’r Aelodau’n trafod y flaenraglen waith, gan gytuno y byddent yn ei thrafod ymhellach mewn cyfarfod yn y dyfodol.

2.1 Ni chafwyd unrhyw ymddiheuriadau.

3.1 Nododd y Pwyllgor y canlynol:

• cofnodion y cyfarfod blaenorol;
• gohebiaeth gan y Prif Weinidog ynghylch portffolios y Gweinidogion; a
• gohebiaeth rhwng Cadeirydd y Pwyllgor Materion Cyfansoddiadol a Deddfwriaethol a’r Gweinidog Iechyd a Gwasanaethau Cymdeithasol ynghylch Deddf Gwasanaethau Cymdeithasol a Llesiant (Cymru) 2014.

3.2 Nododd y Pwyllgor y llythyr gan y Gweinidog Iechyd a Gwasanaethau Cymdeithasol ynghylch cynllun recriwtio Ymddiriedolaeth Gwasanaethau Ambiwlans Cymru. Cytunodd y Pwyllgor i ysgrifennu at y Gweinidog Iechyd a Gwasanaethau Cymdeithasol i ofyn am eglurhad ynghylch faint o bobl sydd wedi gadael y gwasanaeth ambiwlans yn ystod y cyfnod a gwmpesir gan y cynllun recriwtio a’r gwahaniaeth net yn niferoedd y staff.

Mark Drakeford AC, y Gweinidog Iechyd a Gwasanaethau Cymdeithasol

Vaughan Gething AC, y Dirprwy Weinidog Iechyd

Dr Andrew Goodall, Cyfarwyddwr Cyffredinol, Iechyd a Gwasanaethau Cymdeithasol 

Martin Sollis, Cyfarwyddwr Cyllid

Albert Heaney, Cyfarwyddwr Gwasanaethau Cymdeithasol ac Integreiddio

4.1 Bu’r Pwyllgor yn craffu ar waith y Gweinidog Iechyd a Gwasanaethau Cymdeithasol a’r Dirprwy Weinidog Iechyd ar gyllideb ddrafft Llywodraeth Cymru ar gyfer 2015-16.

4.2 Cytunodd y Gweinidog Iechyd a Gwasanaethau Cymdeithasol i ddarparu’r canlynol i’r Pwyllgor:

• eglurhad ar ddyraniadau’r gyllideb ar gyfer gwasanaethau iechyd meddwl, yn benodol sut mae’r £529 miliwn a ddyfynnwyd ym mhapur y Gweinidog i’r Pwyllgor yn cymharu â chyllid blynyddoedd blaenorol; a
• dadansoddiad o ansawdd a lefel setliadau yn ystod y flwyddyn a wnaed yn erbyn y risg Cronfa Risg Cymru mewn blynyddoedd diweddar.

5.1 Derbyniwyd y cynnig.

6.1 Bu’r Pwyllgor yn trafod y dystiolaeth a gafwyd gan y Gweinidog Iechyd a Gwasanaethau Cymdeithasol a’r Dirprwy Weinidog Iechyd a chytunodd i ysgrifennu atynt i ofyn am eglurhad ynghylch nifer o faterion a gododd yn ystod y sesiwn.

6.2 Cytunodd y Pwyllgor y byddai’r llythyr hwn yn cael ei rannu gyda’r Pwyllgor Cyllid er mwyn llywio ei waith yn craffu ar y gyllideb ddrafft.